EN | ES

This is where the footnotes go.

View options

Text: Transcription Expanded form Normalized form - Show: Colors Formatting <lb> Line breaks Lines Rhyme Caesura Scribe Scribe 2 Scribe 3 Images - Tags: POS tag Lemma

Javascript seems to be turned off, or there was a communication error. Turn on Javascript for more display options.

Tulo otorgaras a guisa de traydor De qanto he dicho verdadero sere yo Da qstos amos aqi q do la Razo Diego gonçalez odredes lo q dixo De natura somos de los condes mas lipios Estos casamientos non fuessen apareçidos Por consagrar con myo çid don Rodrigo Por q dexamos sus fijas avn no nos Repentimos Mientra q biuan pueden auer sospiros Lo q les fiziemos ser les ha Retraydo esto lidiare atod el mas ¶ ardido Q por q las dexamos ondrados somos nos Martin antolinez en pie se leuantaua Cala aleuoso boca sin verdad Lo del Leon non se te deue olbidar Saliste por la puerta metistet al coral Fusted meter tras la viga lagar Mas non vestid el manto nin el brial Hyollo lidiare non passara por al Fijas del çid por q las vos dexastes Entodas guisas sabed q mas valen q vos Al partir dela lid por tu boca lo diras Q eres traydor & mintiste de qanto dicho has Destos amos la Razon finco Asur gonçalez entraua por el palaçio Manto armino & vn brial Rastrando Vermeio viene ca era almorzado