Título | Poema de mio Cid |
---|---|
Fecha del manuscrito | ca. 1325 |
Ubicación del original | Biblioteca Nacional de España, VITR/7/17 |
Extensión | 3734 versos |
66v < | Page 67r | > 67v |
Tulo otorgaras a guisa de traydor
De q antohe dicho verdadero sere yo
De natura somos de los condes mas lipios
Estos casamientos non fuessen apareçidos
Por consagrar con myo çid don Rodrigo
Por q dexamos sus fijas avn no nos Repentimos
Mientra q biuan pueden auer sospiros
Lo q le s fiziemos ser les ha Retraydo esto lidiare atod el mas ¶ ardido
Q por q las dexamos ondrados somos nos
Cala aleuoso boca sin verdad
Lo del Leon non se te deue olbidar
Saliste por la puerta metistet al coral
Fusted meter tras la viga lagar
Mas non vestid el manto nin el brial
Hyollo lidiare non passara por al
Fijas del çid por q las vos dexastes
Entodas guisas sabed q mas valen q vos
Al partir dela lid por tu boca lo diras
Q eres traydor & mintist e de q antodicho has