EN | ES

Mas tres semanas de plazo todas complidas son Felos al plazo los del campeador Cunplir qieren el debdo q les mando so senor Ellos son enpder del Rey don alfonsso el de Leo Dos dias atendieron a yfantes de carrion Mucho viene bie adobados de cauallos & de guarnizo¶nes E todos sus parientes con ellos son Q si los pudiessen apartar alos del campeador Q los matassen en campo por desondra de so senor El cometer fue malo q lo al nos enpeço Ca grand miedo ouieron a alfonsso el de Leo De noche belaron las armas & Rogaron al ciador Troçida es la noche ya qiebran los albores Muchos se juntaron de buenos Ricos omes Por ver esta lid ca avien ende sabor De mas sobre todos yes el Rey don alfonsso Por qrer el derecho & non consentir el tuerto Hyas metien en armas los del bue campeador Todos tres se acuerdan ca son de vn senor En otro logar se arman los yfantes de carrio Sedielos castigando el conde garçiordonez Andidieron en pleyto dixierolo al Rey alfonsso Q non fuessen en la batalla las espadas taiadores Colada & tizon q non lidiassen con ellas los del capeador Mucho era Repentidos los yfantes por qanto dadas son Dixiero gelo al Rey mas non gelo conloyo Non sacastes ninguna qando ouiemos la cort