|
|
La sena saca fuera de valençia diero salto
Qatro mill menos .xxx con myo çid va a cabo
Alos çinqaenta mill van los ferir de grado
Aluar aluarez & aluar saluadorez & minaya albarfanez
Entraron les del otro cabo
Plogo al ciador & ouieron los de arrancar
Myo çid en pleo la lança al espada metio mano
Atantos mata de moros q no fuero contados
Por esl cobdo ayuso la sangre destellando
Al Rey yuçef tres colpes le ouo dados
Salios le de sol espada ca muchol andido el cauallo
Metios le en guiera vn castiello palaçiano
Myo çid el de biuar fasta alli lego en alcaz
Con otros ql co sigen de sus buenos vassallos
Desdalli se torno el q en bue ora nasco
Mucho era alegre delo q an caçado
Ali pçio a bauieca dela cabeça fasta acabo
Todoa esta ganançia en su mano a rastado
Los .L. mill por cuenta fuero notados
Non escaparon mas de çiento & qatro
Mesnadas de myo çid Robado an el canpo
Entre oro & plata fallaro tres mill marcos
Las otras ganançias non auya Recabdo
Alegre era myo çid & todos sos vassallos
Q dios les ouo merçed q vençiero el capo
Qando al Rey de maruecos assi lo an arrancado
|
