cid
Poema de mio Cid. Edición digital
Opciones de visualización
Texto: - Mostrar: - Etiquetas:
Javascript seems to be turned off, or there was a communication error. Turn on Javascript for more display options.
Asil creçe la ondra a myo çid el campeador
En todas guisas tales sodes qales digo yo
Si ay qi Responda o dize de no
Hyo so albarfanez pora todel meior
Gomez pelayet en pie se leuanto
Q val minaya toda essa Razon
Ca en esta cort afarto ha pora vos
E qi al qisiesse serie su ocasion
Si dios qisiere q desta bien salgamos nos
Despues veredes q dixiestes o q no
Dixo el Rey fine esta Razon
Non diga ninguno della mas vna entençion
Cras sea la lid qando saliere el sol
Destos .iij. por tres q Rebtaron en la cort
Luego fablaron yfablaron yfantes de carrion
Dandos Rey plazo ca cras ser non puede
Armas & cauallos tienen los del canpeador
Nos antes abremos ayr atrras de carrion
Fablo el Rey contral campeador
Sea esta lid o mandaredes vos
Enes sora dixo mio çid no lo fare senor
Mas qiero a valençia q tierras de carrion
Enessora dixo el Rey a osadas campeador
Dad me uros cauallos con todas uras guarnizones
Vayan comigo yo sere el curiador
Hyo vos lo sobrelieuo como bue vassallo faze a senor
Q non pndan fuerça de conde nin de yfançon
Leyenda: | Expansión • Tachado• Ilegible• Editor |
Descargar XML • Descargar texto
• Wordcloud • Facsimile view • Manuscript line view • Pageflow view