cid
Poema de mio Cid. Edición digital
View options
Text: - Show: - Tags:
Javascript seems to be turned off, or there was a communication error. Turn on Javascript for more display options.
A muchos plaze de tod esta cort
Mas non plaze alos yfantes de carrio
Mynaya albafanez en pie se leuanto
Merçed uos pido como a Rey & a senor
E q non pese esto al çid campeador
Bie uos di vagar en toda esta cort
Dezir qrriea ya qanto delo myo
Dixo el Rey plazme de coraçon
Dezid mynaya lo q ouieredes sabor
Hyo uos Ruego q me oyades toda la cort
Ca grand Rencura he de yfantes de carrio
Hyo les di mis pimas por mandado del Rey alfonsso
Ellos las pisieron a ondra & a bendiçio
Grandes aueres les dio myo çid el campeador
Ellos las han dexadas a pesar de nos
Riebtos les los cuerpos por malos & por taydores
De natura sodes delos de vanigomez
Onde salien condes de pz & de valor
Mas bie sabemos las manas que ellos han
Esto gradesco yo al criador
Qando piden mis pimas don eluira & dona sol
Los yfantes de nauarra & de aragon
Antes las aviedes pareias pora en braços las tener
Agora besaredes sus manos & lamar las hedes senoras
Aver las hedes aseruir mal q uos pese auos
Grado adios del çielo & aql Rey don alfonsso
Legenda: | Expansión • Tachado• Ilegible• Editor |
Download XML • Download text
• Wordcloud • Facsimile view • Manuscript line view • Pageflow view