Título | Poema de mio Cid |
---|---|
Fecha del manuscrito | ca. 1325 |
Ubicación del original | Biblioteca Nacional de España, VITR/7/17 |
Extensión | 3734 versos |
68v < | Page 69r | > 69v |
Asil creçe la ondra a myo çid el campeador
En todas guisas tales sodes q alesdigo yo
Si ay q iRe s pondao dize de no
Hyo so albarfanez pora todel meior
Q val minaya toda essa Razon
Ca en esta cort afarto ha pora vos
E q ial q isiesseserie su ocasion
Si dios q isiereq desta bien salgamos nos
Despues veredes q dixiestes o q no
fine esta Razon
Non diga ninguno della mas vna entençion
Cras sea la lid q andosaliere el sol
Destos . iij . por tres q Rebtaron en la cort
Dandos Rey plazo ca cras ser non puede
Armas & cauallos tienen los del canpeador
Nos antes abremos ayr atrras de carrion
Sea esta lid o mandaredes vos
no lo fare senor
Mas q ieroa valençia q tierras de carrion
a osadas campeador
Dad me uros cauallos con todas uras guarnizones
Vayan comigo yo sere el curiador
Hyo vos lo sobrelieuo como bue vassallo faze a senor
Q non pndan fuerça de conde nin de yfançon