Disputa del alcalde mayor de Loja con unos clérigos

abia en el estoque del dho alcalde mayor. Y esto es lo que sabe este to porque asi lo oyo deçir otro dia por la mañana. 11ª A la oncena pregunta, dixo que sabe que el dho don Salbador no a estado ausente por esta caussa, porque despues de la dha ocassion estubo en esta çiudad tres dias publicamente. Y despues sabe que fue a Malaga y Marbella, adonde tiene su haçienda, y quando bolbio a esta çiudad y supo que estaba mandado prender se fue a pressentar a Granada. 12ª A las doçe preguntas, dixo que sabe que el dho don Salbador de Cantos es buen xptiano, temeroso de Dios y de su conçiençia, y a tenido y tiene mucho respecto a las justiçias. Y este to le a tenido y tiene en possesion y rreputaçion de hixodalgo notorio de si y de su padre y abuelo y demas açendientes por linia reta de baron, y en esta possesion a estado y esta en esta çiudad quieta y paçificamente. Y esto lo sabe este to por aber oydo deçir a otros sus mayores y mas ançianos que el orixen y naturaleça de Juan Ximenez de Cantos padre del dho don Salbador es de Castilla la biexa, y que es hixodalgo de sangre. Y esto es la berdad sin aber oydo deçir otra cossa en contra. 13ª A las treçe preguntas dixo que todo lo que a dho es la berdad, leyosele su dho, rratificosse en el, encargosele el secreto y lo prometio, y firmo de su nonbre, de que doy fee. Entre res: Padre del dho don Salbador El ldo Jua Ximenez de Arroyo ate my Pedro de Haro 2 To. El dho liçençiado Franco Muñoz de Lara, clerigo presbitero, veçino de esta çiudad de Loxa, to susodho pressentado por el dho don Salbador de Cantos, el qual, despues de aber jurado y siendo preguntado, dixo lo siguiente: 1ª A la primera pregunta, dixo que conoçe a el dho don Salbador de Cantos, no conoçe a el fiscal de su magd aunque lo a oydo deçir, y tiene notiçia de este pleito. Jas. A las xenerales de la lei dixo que es de hedad de treinta y quatro años, poco mas o menos, y que no es pariente ni enemigo de ninguna de las partes, y las xenerales no le tocan. 2ª A la segunda pregunta, dixo que sabe que la noche beinte y ocho de nobienbre del año passado de quarenta y dos, bino a esta