Disputa del alcalde mayor de Loja con unos clérigos

a que respondio: ¿Pues depues de aber buelto por Vmd me quiere prender? Pero bamos, donde Vmd fuere serbido. Y entonçes bio como los saçerdotes que alli estaban le dixeron: ¿Abiendo bisto lo q a hecho el dho don Salbador faboreçiendo a Vmd y en contra de su hermano?, y entonçes lo solto. Y esto rresponde. 4ª A la quarta pregta, dixo q diçe lo que dho tiene en la pregunta antes de esta, y a oydo deçir que el dho alcalde mayor abia respondido mui desconpuesto y enoxado contra el dho don Jeronimo, diçiendole que hera demasiado y desbergonçado, y que por ser clerigo le tenia rrespeto y por lo demas no. Y esto rresponde. 5ª A la quinta pregta dixo q diçe lo q dho tiene en este su dho. 6ª A la sesta pregunta dixo dixo lo que dho diçe lo que dho tiene. 7ª A la septima pregta dixo que diçe lo que dho tiene. 8ª A la otaba pregta, dixo q, rrespecto de q el dho don Pedro Cosio se quexaba diçiendo se abia lastimado una pierna por detener asimismo a el dho don Jeronimo, el dho don Salbador, su hermano, y el liçençiado Jua de Aroyo fueron y lo llebaron a su a su casa, y dexandolo en ella salieron a buscar un çiruxano para que lo curase. Y esto rresponde. 9ª A la nobena pregta, dixo que sabe q la dha noche de vte y ocho de nobienbre, en la ocassion referida, antes ni despues el dho don Salbador no trato mal de palabra ni obra a el dho alcalde mayor, ni se fue haçia el ni le asio de la rropilla, ni saco contra el dho alcalde mayor espada ni broquel, ni le tiro cuchilladas algunas ni hiço otra demostraçion de rresistençia, antes procuro estorbar el disgusto detiniendo a el dho su hermano. Y esto sabe este to por aberse hallado pressente y bistolo ser y passar asi como queda referido, y si otra cossa fuera o passara lo supiera y no pudiera ser menos. 10ª A la deçima pregta, dixo q diçe lo q dho tiene en las pregtas de este su dho, y la misma noche q suçedio el dho disgusto este to oyo