Juicio contra el alcalde mayor de Guadix, por negarse a obedecer la autoridad de la Chancillería de Granada

de la sancta ynquisicion de Granada, ganado a pedimiento del dho lizençiado don Xpoual de Teruel se enoxo de manera el dho alcalde mayor que, en presenzia de munchos, lo amenaço diziendo que, uotado a Dios, que sse lo abia de pagar. Digan lo que sauen e rrefieransse a la sumaria ynformaçion que contra el dicho alcalde mayor se hiço. 3 Si sauen que, a cabo de dos dias que hiço las dichas amenaças, el dicho Franco Mallo presento una peticion contra ziertos uezinos en rrazon de una muerte que abian hecho, y el dho alcalde mayor cometio el exssamen de los testigos a el escriuano; y, porque el dho Françisco Mallo le dixo que los exsaminasse por su persona por ser causa graue, le rrespondio que hera un picaro bellaco desbergonzado, y mando ponerse en la carzel. Y, porque el dho Françisco Mallo dixo: