EN | ES

This is where the footnotes go.

View options

Text: Transcription Expanded form Normalized form - Show: Colors Formatting <lb> Line breaks Lines Rhyme Caesura Scribe Scribe 2 Scribe 3 Images - Tags: POS tag Lemma Origin tag Etymologycal tag

Javascript seems to be turned off, or there was a communication error. Turn on Javascript for more display options.

E fizieron dos azes de peones mezchlados qilos podrie cotar Las azes de los moros yas mueue adelant Pora myo çid & alos sos a manos los tomar Qdas sed menadas aqi en este logar Non de ranche niguno fata q yo lo made Aql po vermuez no lo pudo endurar La sena tiene en mano copeço de espolonar El ciador uos vala çid campeador leal Vo meter la ura sena en aqla mayor az Los q el debdo auedes veremos como la acorredes Dixo el campeador no sea por caridad Respuso po vermuez no rastara por al Espolono el cauallo e metiol enel mayor az Moros le Reçiben por la sena ganar Dan le grades colpes mas nol pueden falssar Dixo el campeador valelde por caridad En braçan los escudos de lant los coraçones Abaxan las lanças a buestas delos pendones En clinaro las caras de suso de los arzones Yua los ferir de fuertes coraçones A grandes vozes lama el q en bue ora nasco Ferid los cauallos por amor de caridad Yo so Ruy diaz el çid campeador de biuar Todos fiere enel az do esta po vermuez