EN | ES

This is where the footnotes go.

View options

Text: Transcription Expanded form Normalized form - Show: Colors Formatting <lb> Line breaks Lines Scribe Scribe 2 Scribe 3 Images - Tags: POS tag Lemma

Javascript seems to be turned off, or there was a communication error. Turn on Javascript for more display options.

Een el nobre del ciador q non pase por al Vayamos los ferir en aql dia de cras Dixo el campeador a mi guisa fablastes Ondrastes uos minaya ca au uos lo yedes de far Todos los moros & las moras de fuera los mada echar Q no sopiesse niguno esta su poridad Eldia & la noche pienssan se de adobar Otro dia manana el sol qrie apuntar caminando Armado es myo çid co qantos q el ha post Fablaua myo çid como odredes contar Todos yscamos fuera q nadi non raste Si non dos peones solos por la puerta guardar Si nos murieremos en campo en castiello nos entaran Si vençieremos la batalla creçremos en rictad E vos po vermudez la mi sena tomad Como sodes muy bueno tener la edes sin arch Mas no aguijedes co ella si yo non uos lo mandar Al çid beso la mano la sena ua tomar Abrieron las puertas fuera vn salto dan Viero lo las arobdas delos moros al almofalla seua tornar Q piessa va en los moros e tornaro se a armar Ante Roydo de atamores la trra qrie qbrar Veriedes armar se moros apiessa entrar en az De parte delos moros dos senas ha cabdales