EN | ES

This is where the footnotes go.

View options

Text: Transcription Expanded form Normalized form - Show: Colors Formatting <lb> Line breaks Lines Rhyme Caesura Scribe Scribe 2 Scribe 3 Images - Tags: POS tag Lemma

Javascript seems to be turned off, or there was a communication error. Turn on Javascript for more display options.

A muchos plaze de tod esta cort Mas non plaze alos yfantes de carrio Mynaya albafanez en pie se leuanto Merçed uos pido como a Rey & a senor E q non pese esto al çid campeador Bie uos di vagar en toda esta cort Dezir qrriea ya qanto delo myo Dixo el Rey plazme de coraçon Dezid mynaya lo q ouieredes sabor Hyo uos Ruego q me oyades toda la cort Ca grand Rencura he de yfantes de carrio Hyo les di mis pimas por mandado del Rey alfonsso Ellos las pisieron a ondra & a bendiçio Grandes aueres les dio myo çid el campeador Ellos las han dexadas a pesar de nos Riebtos les los cuerpos por malos & por taydores De natura sodes delos de vanigomez Onde salien condes de pz & de valor Mas bie sabemos las manas que ellos han Esto gradesco yo al criador Qando piden mis pimas don eluira & dona sol Los yfantes de nauarra & de aragon Antes las aviedes pareias pora en braços las tener Agora besaredes sus manos & lamar las hedes senoras Aver las hedes aseruir mal q uos pese auos Grado adios del çielo & aql Rey don alfonsso