EN | ES

This is where the footnotes go.

View options

Text: Transcription Expanded form Normalized form - Show: Colors Formatting <lb> Line breaks Lines Scribe Scribe 2 Scribe 3 Images - Tags: POS tag Lemma

Javascript seems to be turned off, or there was a communication error. Turn on Javascript for more display options.

Dixo el buen Rey assilo otorgo yo Dixo albarfanez leuantados en pie el çid campeador Destos aueres q uos di yo simelos dades o dedes dello Raçon Essora salien a parte yfantes de carrion Non acuerdan en cosseio ca los haueres grades son Espesos los han yfantes de carrion Tornan con el cosseio e fablaua aso sabor Mucho nos afinca el q valençia gano Qando de nros aueres assil pnde sabor Pagar le hemos de heredades entrras de carrion Dixieron los alcaldes qando manifestados son Si esso plogiere al çid no gelo vedamos nos Mas en nro iuuizio assi lo mandamos nos Q aqi lo entergedes dentro en la cort A estas palabras fablo el Rey don alfonsso Nos bien la sabemos a qsta Razon Q derecho demanda el çid campeador Destos .iij. mill marcos los .CC. tengo yo Entramos melos dieron los yfantes de carrion Tornar gelos qiero ca todos fechos son Enterguen a myo çid el q en bue ora naçio Qando ellos los an apechar non gelos qiero yo Fablo ferrangoçalez aueres monedados no tenemos nos Luego Respondio el conde don Remod El oro & la plata espendiestes lo vos Por juuizio lo damos antel Rey don alfonsso Pagen le en apçiadura & pndalo el campeador Hya viero q es afer los yfantes de carrion