EN | ES

This is where the footnotes go.

View options

Text: Transcription Expanded form Normalized form - Show: Colors Formatting <lb> Line breaks Lines Scribe Scribe 2 Scribe 3 Images - Tags: POS tag Lemma

Javascript seems to be turned off, or there was a communication error. Turn on Javascript for more display options.

Q Reçiba derecho de yfantes de carrion Grande tuerto le han tenido sabemos lo todos nos Alcaldes sean desto el conde don anrrich & el code do Remod E estos otros condes q del vando non sondes Todos meted y mientes ca sodes conosçedores Por escoger el derecho ca tuerto non mando yo Della & della part en paz seamos oy Juro par sant esidro el q boluiere my cort Qitar me a el Reyno perdera miamor Con el que touiere derecho yo dessa parte me so Agora demande myo çid el campeador Sabremos q Responden yfantes de carrion Myo çid la mano beso al Rey & en pie se leuanto Mucho uos lo gradesco como a Rey & a senor Por qanto esta cort fiziestes por mi amor Esto les demando ayfantes de carrion Por mis fijas qm dexaron yo no he desonor Ca uos las casastes Rey sabredes q fer oy Mas qando sacaron mis fijas de valençia la mayor Hyo bien las qria dalma & de coraçon Diles dos espadas a colada & atizon Estas yo las gane aguisa de varon Qs ondrasse con ellas & siruiessen auos Qando dexaron mis fijas enel Robredo de corpes Comigo no qisieron auer nada & perdieron mi amor Den me mis espadas qando myos yernos no son