EN | ES

This is where the footnotes go.

View options

Text: Transcription Expanded form Normalized form - Show: Colors Formatting <lb> Line breaks Lines Rhyme Caesura Scribe Scribe 2 Scribe 3 Images - Tags: POS tag Lemma

Javascript seems to be turned off, or there was a communication error. Turn on Javascript for more display options.

Si non fuessemos Rogados Pues nras pareias non era pora en braços La desondra del Leon assis yra vengando Alabandos yuan los yfantes de carrion Mas yo uos dire da ql felez munoz Sobrino era del çid campeador Mandaron le yr adelante mas de su grado no fue Enla carrera do yua doliol el coraçon De todos los otros a parte se salio En vn monte espesso felez munoz se metio Fasta q viesse venir sus pimas amas ados O q an fecho los yfantes de carrion Violos venir & oyo vna Razon Ellos nol vien ni dend sabien Raçion Sabet bie q si ellos le viessen non escapara de muert Vansse los yfantes aguija aespolon Por el Rastro tornos felez munoz Fallo sus pimas a morteçidas amas ados Lamando pimas pimas luego descaualgo Arrendo el cauallo a ellas adelino Ya pimas . las mis pimas don eluira & dona sol Mal se ensayaro los yfantes de carrion Adios plega & a sca Ma q dent pndan ellos mal galardon Valas tornando a ellas amas ados Tanto son de traspuestas q non pueden dezir nada Partiero. sele las tellas de dentro de los coraçones Lamando pimas pimas don eluira & don sol Despertedes pimas por amor del ciador