EN | ES

This is where the footnotes go.

View options

Text: Transcription Expanded form Normalized form - Show: Colors Formatting <lb> Line breaks Lines Rhyme Caesura Scribe Scribe 2 Scribe 3 Images - Tags: POS tag Lemma

Javascript seems to be turned off, or there was a communication error. Turn on Javascript for more display options.

Todas las ganançias a valençia son legadas Alegre es myo çid co todas sus conpanas Q ala Raçion caye seys çientos marcos de plata Los yernos de myo çid qando este auer tomaron Desta arrancada q lo tenien en so saluo Cuydaron q en sus dias nunqa serien minguados Fuero en valençia muy bie arreados Con duchos a sazones buenas pieles & buenos ¶ matos Muchos son alegres myo çid & sus vassallos Grant fue el dia la cort del campeador Despues q esta batalla vençieron & al Rey bucar mato Alço la mano ala barba se tomo Grado a xps q del mudo es senor Qando veo lo q auia sabor Q lidiaran comigo en campo myos yernos amos a dos Mandados buenos yran dellos a carrion Como son ondrados & a ver vos grant pro Sobeianas son las ganançias qtodoas an ganadas Lo vno es nro lo otro han en saluo Mando myo çid el q en buen ora nasco Desta batalla q han arrancado Q todos pisiessen so derecho contado Ela su qinta non fuesse olbidado Assi lo fazen todos ca eran acordados Cayeron le en qinta al çid seyx çientos cauallos