EN | ES

This is where the footnotes go.

View options

Text: Transcription Expanded form Normalized form - Show: Colors Formatting <lb> Line breaks Lines Scribe Scribe 2 Scribe 3 Images - Tags: POS tag Lemma

Javascript seems to be turned off, or there was a communication error. Turn on Javascript for more display options.

Ricos tornan a castiella los q alas bodas legaro Hyas yuan partiendo aqstos ospedados Espidiendos de Ruy diaz el q en bue ora nasco CEa de todas las duenas & ede alos fijos dalgo Por pagados se parte de myo çid & de sus vassallos Grant bie dize deze dellos ca sera aguisado Mucho erã alegres diego & fro Estos fueron fijos del conde don gonçalo Venidos son acastiella aqstos ospedados El çid & sos hyernos en valençia son rastados Hy moran los yfantes bie cerca de dos anos Los amores qles fazen mucho eran sobeianos Alegre era el çid & todos sus vassallos Plega a sca maria & al padre sco Qs page des casamiento myo çid o el q lo algo ouo a algo Las coplas deste cantar aqis van acabando El ciador uos valla con todos los sos scos En valençia seye myo çid con todos sus vassallos Con el amos sus yernos los yfantes de carrio Yazies en vn escano durmie el campeador Mala sobreuienta sabed q les cuntio Salios dela Red & desatos el Leon En grant miedo se viero por medio dela cort En braçan los mantos los del campeador E çercan el escano & fincan sobre so senor