EN | ES

This is where the footnotes go.

View options

Text: Transcription Expanded form Normalized form - Show: Colors Formatting <lb> Line breaks Lines Rhyme Caesura Scribe Scribe 2 Scribe 3 Images - Tags: POS tag Lemma

Javascript seems to be turned off, or there was a communication error. Turn on Javascript for more display options.

Besaronle las manos la mug & las fijas amas Etodas las duenas q las siruen Grado al ciador & auos çid barba velida Todo lo q uos feches es de buena guisa Non sera menguadas en todos uros dias Qando uos nos casaredes bie seremos Ricas Mug dona ximena grado al ciaador Auos uos digo mis fijas don eluira & dona sol Deste uustro casamiento creçremos en onor Mas bie sabet verdad q non lo leuante yo Pedidas uos ha & Rogadas el myo senor alfonsso Atan firme mientre & de todo coraço Q yo nulla cosa nol sope dezir de no Metiuos en sus manos fijas amas ados Bien melo creades q el uos casa ca no yo Penssaron de adobar essora el palaçio Por el suelo & suso ta bie en cortinado Tanta porpola & tanto xamed & tanto pano pciado Sabor abriedes de ser & de comer enel palaçio Todos sus cauallos a piessa son iuntados Por los yffantes de carrion essora en biaro Caualgan los yffantes adelant adelinauan al palaçio Con buenas vestiduras & fuerte mientre adobados De pie & a sabor dios q qdos entaron