EN | ES

This is where the footnotes go.

View options

Text: Transcription Expanded form Normalized form - Show: Colors Formatting <lb> Line breaks Lines Scribe Scribe 2 Scribe 3 Images - Tags: POS tag Lemma

Javascript seems to be turned off, or there was a communication error. Turn on Javascript for more display options.

Non lo detardan el mandado de su senor Apiessa caualgan los dias & las noches andan Vinieron a santesteuan de gormaz vn castiello ta fuert Hy albergaron por verdad vna noch A santesteuan el madado Lego Q vinie mynaya por sus primas amas ados Varones de santesteuan a guisa de muy pros Reçiben a minaya & atodos sus varones Presentan a minaya essa noch grant effurçion Non gelo qiso tomar mas mucho gelo gradio Graçias varones de santesteuan q sodes conosçedores Por aqsta ondra q vos diestes a esto q nos cuntio Mucho uos lo gradeçe alla do esta myo çid el capeador Assi lo ffago yo q aqi esto A ffe dios delos çielos q uos de dent bue galardon Todos gelo gradeçen & sos pagados son Adelinan a posar pora folgar essa noch Minaya ver va uer sus primas do son Enel fincan los oios don eluira & dona sol Atanto uos lo gradimos como si viessemos al ciador Euos a el lo gradid qando biuas somos nos En los dias de vagar toda nra Rencura sabremos cotar Lorauan delos oios las duenas & albarfanez E pero vermuez otro tanto las ha Don eluira & dona sol cuydado non ayades Qando uos sodes sanas & biuas & sin otro mal Buen casamiento perdiestes meior podredes ganar