Título	Mocedades de Rodrigo
Fecha del testimonio	ca. 1360
Ubicación del testimonio	Bibliothèque nationale de France, Richelieu: Espagnol 12
Referencia en PhiloBiblon	BETA texid 1110
Extensión	1150 versos

Mocedades de Rodrigo. Edición digital
Text view: - Versos: - Switch to view: - A- A+

E Remaneçio la tierra sin senor. qndo moryo el rrey pelayo ¶ Este rrey pelayo avia vna fija de ganancia. ¶ E fue cassada conl conde don suero de casso. ¶ Et fizo en ella el conde don suero vn fijo q dixieron don alfonso. ¶ ¶ E a este don alfon fiziero rrey de leon. ¶ E los castellanos bevian en premja. ¶ E avian guerra con nauarra ¶ & con aragon. ¶ E con los moros de sant esteua de gomaz. & de leon & de sepulveda. ¶ E era olmedo de moros & dende adelante la tierra frontera que avia castilla. bilforado. & grannon. ¶ Et dela otra parte era nauarra frontera de leon. & de carrion & de saldanna. ¶ Et por q los castellanos yvan a cortes al rrey de de leon con fijas & mugieres por esta razon fizieron en castilla dos alcaldes. ¶ E qndo fuesse el vno. ala corte. ql ot manparasse la tierra. ¶ Qles fueron estos alcaldes. ¶ El vno fue nunno Rassura. ¶ E el otro layn caluo. Et porq dixieron nuno rrassura este nonbre. por q cogio de castilla senas e mjnas de pan. ¶ E fizo voto a santiago queles ayudasse cotra los moros. ¶ E el conde fue aqste nuno Rassura. de sant pedro de arlança. ¶ E este nuno rasura. ovo vn fijo quel dixieron gonçalo nunnez. ¶ Et porq era malo & traujesso. qissolo el padre matar. & fuesse pa el rrey moro guiben. Senor de madrid ¶ E fallo alla a dona aldara sanchez. fija del rey don sancho Ramjrez de navarra. q andaua mala mugier conlos moros. ¶ E pediola por mugier que aca non gela darien. ¶ E casso con ella & traxola a castilla. ¶ E fizo enella tres fijos. & los mayores non valiero nada. ¶ Et el menor fue el conde frrnad gonçalez. q mantouo a ~~grand~~ castilla muy grant tiempo. ¶ Et ovo de aver contienda conel Rey don sancho ordonez de nauarra. ¶ Et este Rey don sancho ordonez fizo vistas conl conde ferrnand gonçalez en vn lugar q diçen vanarez. ¶ E yendo el conde seguro prissol el Rey en engano. Et lleuolo presso a tudela de nava rra. ¶ Et yaziendo el conde presso sacolo dona costança hermana del Rey don sancho ordonez. ¶ Et yaziendo el con de enlos fierros. tomo lo la Jnfanta asus cuestas. Et dio con el en vn monte. ¶ Et encoron a vn açipreste de ay de tudela de navarra. ¶ Et dixo q si la infanta nonle fiziesse amor de su cuerpo quelos descobrerya. ¶ Et la ynfanta fue abraçar lo. Et tenjendole la Jnfanta abraçado. llego el conde con sus fierros. Et matolo conel su cochillo mjsmo del açipste. ¶ Et tenjendo la Jnfanta los ojos. vio venjr grandes poderes. ¶ Et dixo el conde muertos somos mal peccado. Ca hae vos aquj los poderes del rrey don sancho mj hemano. ¶ Et el conde tendio los oJos & fue los poderes devissando. ¶ Et conoçio los poderes. & fue muy ledo & muy pagado & dixo ala infanta esta es castilla q me suele bessar la mano. ¶ Et la jnfanta paro las cuestas. Et caualgo muy puado enla mula del açipste el conde. Et de pie yua la jn fanta. ¶ Et salio del monte puado. & qndo lo viero los castellanos todos se maravillaron. Mas nol bessaron la mano. Nin Senor non llamaron. ¶ Ca avian fecho omenaje. A vna piedra q traxieran enl carro. Que trayan por senor fasta q fallaro al conde. ¶ Et tornaro la pied a senblança del monte de oca. al logar donde la sacaron. ¶ E todos al conde por senor. le bessaron la mano. ¶ Etste conde frrnad gocalz despues q en castilla fue alçaldo ¶ Mato al rey don sacho odonz de nauarra. ¶ Et el fuera en de gollarlo con su mano. ¶ Et non qrya obedeçe el code. a moro njn xpiano. ¶ Et enbiol dezjr al Rey de leon. fijo de do suero de casso don alfonso avia por nobre ¶ El Rey enbio al code enpla zar lo. ql venjesse a vistas & fue el conde muy pagado. ¶ Caualgo el conde commo omne tan lozano. ¶ E alos treynta dias conta dos fue el conde al plazo. ¶ Etl plazo fue en saldanna. Et començole el a pguta lo. ¶ Et yo maraujllado me fa go conde como sodes ossado. de non me venjr amjs cortes Nin me bessar la mano. ¶ Ca siemp fue castilla de leon tributario. Ca leon es Regno. Et castilla es condado. ¶ Essas oras dixo el conde. mucho andades en vano. Vos estades sobre buena mu la gruessa & yo sob bue cauallo. ¶ Porq vos yo sofri me fago mucho maraujllado. ¶ En aver senor castilla & pedir le vos tributaryo. ¶ Essas oras dixo el rrey. enlas cortes sa Juzgado. ¶ Si obedeçe me deuedes. si non fincat vos en saluo. ¶ Essas oras dixo el conde. lleguemos y puado. ¶ En leon son las cortes. llego el conde lozano. ¶ Vn cauallo lieua pçiado. & vn azor enla mano. ¶ Et conpro gelo el rrey. por aver monedado. ¶ En treynta & çinco mjll mr. fue el cauallo & el azo apçiado. ¶ Al gallarin gelo vendio el conde q gelo pa. conde q gelo pagasse a dia de plazo. ¶ largos plazos passaron q no fue el conde pagado. ¶ Nyn qrie yr alas cortes a menos de entregar lo. ¶ Con fijos & con fijos & con mugieres castellanos va alas cortes de leon. ¶ E conde ferrnan gonzalez. dixo al rrey atanto. Rey non verne a vras cortes. a menostachado: ~~amenos~~ de s pagado. del auer que me deuedes. de mj azor & de mj cauallo. ¶ Qndo contaron el auer el Rey non podia pagar lo. Tanto creçio el gallaryn qlo non pagaria el regnado ¶ Venjeron abenençia el rrey & el conde lozano. ¶ Que qtasse a castilla. el conde fue mucho pagado. ¶ plogol al conde qndo oyo este mandado ¶ Assy saco a castilla el buen conde do fenado. ¶ Aujendo guerra co moros & co xianos a toda pate de todo su condado. ¶ Avia el conde vn fijo q garçi frrz fue llamado. ¶ Sy el padre fue bue guerrero el fijo fue atamano. ¶ Co fija de almeq de nabona el code gaçi frrz fue cassado. ¶ Con ella. Et fizo vn fijo. q dixieron el conde do sancho ¶ Quando alos .vij anos los Jnfantes de salas mataron. ¶ Morio el conde gaci frrz cotes. infançon castellano. ¶ El buen code don sancho. & dexoles buenos preujllejos. ¶ Et buenos fueros co su mano. Et fue rreçebir fija del rrey de leo. nuera del conde don suero de casso. ¶ Et enella fizo vn fijo quel. dixieron por nobre sancho. ¶ Atanto salio de cazador quel monte quel non cogia el poblado. ¶ Pussol por nonbre el padre sancho avorta. po amo de destyr ¶ Desque vio el padre q era de edat a burgos fue llegado. alos treynta dias conplidos. ayuntan se y los castellano. ¶ desq los vio el conde en pie fue leuantado. ¶ Oyt me castellanos a bue tiempo so llegado. ¶ Por vos fazer mas mçed q nunca vos fizo ome nado. ¶ El conde ferrnad gz mj avuelo. Saco vos de tributario. ¶ El conde gaçi frrz mj pad. E yo diuos fueros & pujllejos confirmados con mj mano. ¶ de condado q es castilla. fago vos la rreynado. ¶ ffagamos mjo fijo sancho avarca rrey si vedes q es gssado. ¶ Nieto es del Rey de leo. no ha quel diga ome nado. ¶ Que non sea rrey de castilla njnguno no sera ossado. ¶ synon aql qen lo dixiesse. bien sabria vedar lo. ¶ Mucho plogo a castellanos qndo oyeron este madado. ¶ A sancho avarca bessa las ma nos. Et rreal rreal llamando. ¶ Por castilla dan los pgones por tan buen rrey q alçaron. ¶ Este fue el pmo Rey que castellanos ovieron. ¶ Con grand onrra & grand prez. grandes alegas fezjero. ¶ Etl bue rrey sancho avaca. comezo. de rreyna & mado faze senas tendidas en cada loga ¶ Con fija del Rey de fraçia se ovo a despossar ¶ Et dio gela de gdo. no le fezjero al. Et la ynfata dize dona ysabel. E esta fue Reyna de psta El rrey do sancho. avarca fue po ella. Ca tiempo avia de cassa co ella. ¶ A los puetos de aspa gela traxieron Etl Rey de fracia. Et el ally fue a tomar la. ¶ grandes alegas ha en espana qndo el rrey cola rreyna viero tona ¶ Et mayor los castellanos. qndo la mano le fuero bessar ¶ Et el conde don pedro de paleçia. a burgos le fue cobidar ¶ Rey don sancho auaca. por amor de caridat. fijo del conde don sancho mj Senor natural. ¶ vayamos a paleçia. mjo conbite tomar. ¶ Ca siempre vos sujre mjent mj vida durar. ¶ dixo estonçe el rrey bueno. fazer lo he de grado. ¶ En tal q enla mj vida nuca seades menguado. ¶ Esto fue nueue dias ante de sant iohan. ¶ Qndo el Rey don sancho llego a palençia yantar ¶ Brauo era el val de palençia ca no avia y poblado. ¶ Synon do llama sata ma. el antigua do moraua el code lozano. ¶ Salieron se a folgar desque ovieron yantado. ¶ E passaro las aguas amos de mano a mano. ¶ affondose la mula. conel Rey en vn soterraano: a. ¶ Acorrense las gentes. & sacaron al Rey en saluo. ¶ Por los braços qbro la mula. non la caualgo mas ome nado. ¶ El rrey tendio los ojos. & vio por el soterrano. descende. vna escalera de vn cato labdo. ¶ demando por vn caualo q dezian bernardo. ¶ diz ent benado por essa escalera. & cata este soterrano ¶ dixo benaldo senor plazeme de granado. ¶ benardo qndo desçedio vio vn pozo cavado. ¶ E a par de aquel pozo. vio estar vn altar ¶ Et de susso vn escpto. Et començolo de catar. ffallo q sant antolin matir yazja en aquel logar ¶ Et vio vna piedra co lets Et començola de catar & vio que trezientos anos avia q era somjdo aql loga. ¶ E vino se para el Rey & dixol en porydat. ¶ Senor como me semeja. cuepo sato yaze en este loga. ¶ Quando el rrey. al code fue tona. ¶ Quando lo oyo el Rey. al conde fue tornado. ¶ Et dixo ay conde do pedro. dat me este loga en camjo. ¶ E siemp uos lo gdeçere. en qnto fuere durado ¶ Et dar vos he por el a canpo. fasta en la mar. ¶ Ally dixo el conde don pedro. al rrey plaze me de gdo. ¶ Dan selas vdades. Et otrgaro se el cambio. ¶ Estonçe traya el code a çico vandas las armas. ¶ Et las dos eran yndias Et las tres de oro colado ¶ Ally tomo otras el conde el campo de oro claro. vna agla yndia. en medio gritado. campo yua llamado ¶ Por esso llaman agujllarar de canpo. desq el erzio codado ¶ El Rey en plazentya. finco alegre & pagado. ¶ llegaronle mandados de su avuelo el rrey de leon q era finado. ¶ fincaron le tres fijas. Et non fijo varon. ¶ Ca el Rey conla vna fue cassado ¶ E el conde don ossorio galeçia. Conla otra. el q don ordono. de campos mucho onrrado ¶ Et la otra conel conde nuno aluarez de amaya q ovo a amaya por condado. ¶ Et fincaron enel Rey do sancho avarca todos los rreynos en su mano. ¶ Et dixo asu cauallo benado. ¶ Que catasse el soterrno. ¶ Et oyredes lo q aconteçio. estonçe en aquel ano. ¶ Estando el arçobpo. Enel pueblo toledano. en dia de rramos en visag la missa catado. ¶ Ala ora dela passyon entron moros el poblado. & ganaron a toledo. a menos del poblado. & guareçio el arçobispo a pode de cauallo. ¶ A porto e palencia a donde esta bernardo. ssiendo bernado su sobno fijo de su hemano. ¶ Qndo vio al arçobispo. dexo el soterrano ¶ Et fuesse pa deffessa braua mete se hemjtano. ¶ En vna hemjta q avia y. ot poblado. ¶ Miro & qndo vio este lugar caualgo muy puado. ¶ ffuese para leon al bue Rey don sancho. ¶ delos ojos llorando. Et bessole la mano. Senor Rey don sancho. avarca por el pad. apoderado. ¶ Perdi a toledo moros me lo han ganado. ¶ Senor dat me a palençia. & a aquel soterrano. ¶ Et fare vida de q dios se paga. ¶ de arçobpo q era biujre como hermjtano. ¶ Etn essas horas. dixo el Rey. plaze me muy de grado. ¶ A pessa dixo mjo senor. yt me a entregarlo. ¶ Et entrante a palençia tomolo por la mano. ¶ Como lo yo conpre del code. don pedro franco. do lo de gdo. ¶ E fagan vn puillegio co. mjo sigo otrgado. ¶ dela hueta del campo. do es oter rredondo llamado. ¶ Conlas cuestas del atalaya & delos cascaJares del brauo. ¶ E dela otra parte las cuestas como van a val rroçiado. ¶ Muy bien lo rreçibe mjro el perlado & tomo el pvilejo del Rey. ¶ Et caualgo muy puado. & metiosse alos camjnos para Roma fue llegado. ¶ Et qndo vio al papa el pie le ovo bessado meçed dixo senor que sodes en lugar de sant pedro & sant pablo. Siendo yo arçobpo del pueblo toledano. ¶ Conqrieron me los moros onde fue muy coytado. vine me pa el Rey don sancho avarca. fijo del conde don sancho como a ome de buena ve tura que en buen puto fue nado. enl val de palencia. abriose vn soterrano. ¶ E affondo se la mula. Et el finco en sano ¶ A sant antolin matir fallaron y soterrado ¶ A pessa lo conpro luego el. Rey de vn conde lozano. ¶ Qndo yo pdi a toledo amj lo ovo dado el Rey. ¶ Aheuos aq su pujllejo. como lo trayo otorgado. ¶ El papa qndo qndo vio el pujllejo con signo acabado. dixo fizo como Rey de buena venta. en faze tan bue loga franqueado. ¶ fagamos y vna dignjdat de que dios sea pagado. ¶ Pues lo diero ala yglia. de mj sea otorgado ¶ Ati mjro episcop paletio mucho onrrado. ¶ Qndo estos pujllejos el ob po del papa ovo tomado ¶ A jornadas contadas. a espana fue tonado. ¶ Sopo lo el rrey do sancho avaca & reçebiolo muy de gdo ¶ Entrante ote rredondo. tomo lo el rrey por la mano. ffasta sant antolin no qisso dexallo. E dixo yo vos la franqo. ansi como vos lo yo ove dado ¶ Fijo q yo aya q fuere en dema dar lo. la mj maldezio aya Et non le ayude ome nado. ¶ Et el qlo ayudare sea tydor provado. & de pate dela yglia Maldito sea & descomulgado. Et do el poder ala yglia. con mj sello colgado. ¶ Por quel Rey era Rey de leon. desmanparo a castellanos. ¶ E vedes por ql rrazon. porq era leon cabeza delos rreynado. ¶ Alçosele castilla. & duro. bien diez & siete anos. ¶ Alçaron sele los otros linaJes donde venjan los fijos dalgo. donde son estos linajes. del otro alcalde layn caluo. donde fue este layn caluo. natural de monte de oca. ¶ Et vino a sant pedro de cadena a poblar este lay caluo Con qt fijos q llegaro a bue stado. ¶ Con seysçientos cavallos a castilla manpararon. ¶ Aviendo guerra co navarra. Ruy laynez el mayo poblo a faro. galduy laynez de se ovo a men doça & tmjno poblado. ¶ Aviendo guerra con moros donde rreçebiero gnd dano ¶ Siendo sant esteua de gorma de moros. & leon del otro cabo ATienza & çigueça con q biujen castellanos en tbaJo Sepulueda & olmedo de vn moro pagano. ¶ A pessar de aquestos todos vn fijo de layn caluo. ¶ Aquel dize pena flor. con ql es penna fiel llamado. ¶ Aviendo guerra conel Rey de leon & con leonesses el meno de layn [interlineado: caluo ¶ Quel dixiero diego. laynz. este ovo a saldana po frota ¶ grand tiempo passado. ovo a morir el rrey sancho avaca. ¶ Estando la tierra en este tbajo. tres fijos dexo el Rey el dia que fue finado. ¶ Con alfonso el mayor leonesses se alzaron. ¶ E don garçia el mediano. a navarra fue alçado. ¶ Por senor le tomaron. a don fernando el menor la mano le bessaron castellano como fijos de layn caluo. ¶ Dio guerra asus hemanos. vençidos fueron leonesses. ¶ Et rreçebieron gnd dano alos fitos de mansilla. ¶ Do estauan los moJons fincado Mato don fernando a do alfoso su hemano. luego sele dieron le ones & galizja fasta santiago. ¶ Torno dar guerra a navarra como de cabo. ¶ Et mato en ata pueta a do garçia su hemano. Diosele luego navarra. Et aragon del otro cabo. ¶ desde ally se llamo senor de espana fasta en santiago. ¶ Pregunto por navarra. sy avia qen hedar lo. ¶ ffablo la ynfanta dona sacha fija del Rey don sancho. ¶ E el gouenador de navarra. ¶ Et fablo el ynfante do Ramjro Mas non era de velada. ¶ Mas por qnto era fijo deste Rey don sancho. Et q no se enagenasse el rreyno dioglo do frr. Assy assosego su tierra. a çamora fue llegado. Mandando por sus Reynos q venjessen asus cotes. ¶ Alos treynta dias contados ally vinjen leonesses. Et con gallizianos & co astyano. Et venjero aragonesses abuelta con navarros. los postmeros fuero castellanos & estremadanos. ¶ Delos fijos de layn caluo todos qtro hemanos. Don Ruy laynez fue cassado co fija de don g mjnayas ¶ Et fizo en ella a don diego ordones donde vienen estos Que de vizcaya son llamado Galdin laynez fue cassado con fija del conde don rro. ¶ Conel conde de alua & de bitor Et fizo enella vn fijo ql dezjan don lope. Dode vienen estos laynez de don luys diaz de medoça El ynfante laynez [tachado: l era cassado con fija del code don aluaro de feuza. ¶ Et fizo enella vn fijo q dixieron aluar fanez. donde viene estos linaJes de castro. Diego laynez se ovo cassado con dona theressa nunez fija del conde Ramo aluarez de amaya. & njeta del rrey de leo ¶ Et fizo enella vn fijo quel dixieron el buen guerreador Ruy diaz ¶ Ally sse leuanto el rey. alos qtro fijos de layn caluo Tomolos por las manos consigo los pusso enel estdo ¶ Oyt me cavalleros muy buenos fijos fijos dalgo. del mas onrrado alcalde q en castilla fue nado. ¶ Distes me a castilla & bessaste me la mano. Con vusco coqri los Reynos de espana fasta santiago. ¶ Vos sodes ançianos & yo del mundo non se tanto. Mi cuepo & mj pode metolo en vras manos. ¶ Que vos me consejedes ssyn arte & sin engano Rey soy de castilla & de leo assy ffago. ¶ Sabedes q leo es cabeza de todos los rreynados. ¶ Et por esso vos Ruego. & a vos pregunto tanto. Qual sena me mandades faze atal fare de grado. Ca en qnto yo valga. no vos saldre de mandado. . dixieron los castellanos. en buen punto fuestes nado ¶ Mandat fazer vn castillo de oro & vn leon yndio gtado ¶ Mucho plogo al rey qndo los Reynos se pagaron. Bien ordeno el rrey su trra. como Rey mucho acabado ¶ Otogo todos los fueros. q el rey su padre avia dado Otogo los pujlleJos de su avuelo el conde do sancho ¶ Alli llego de palençia el madado q era mueto el obpo [interlineado: mjro] ¶ Et dio el obpado a benado Et enbiol ql cofirmase a Roma & vino muy buen plado ¶ Et otogo sus libetades q el rrey sancho avaca avia dado. ¶ desde la hueta del topo fasta do es la qntanjlla con todo fasta castiel Redondo. do es magaz llamado. detras delas cuestas delas. cuestas delos cascajares. do es santo thome llamado. fasta las otras cuestas. q llaman val rroyado. do llaman val de po. Ca non era poblado. ¶ Mando enlos pujllejos pon signo el bue Rey don ferrnado. Asosegada estaua la tierra. q no avie guerra de njgu cabo. ¶ El conde don gomez de goma. a diego laynez fizo dano. fferiole los pastores. Et Robole el ganado. ¶ A bivar llego diego laynez. al apellydo fue llegado. ¶ El enbio los rreçebir asus he manos. & caualga muy puado. ¶ ffuero corre a gormaz. qndo el sol era Rayado. Quemaro le el arraual & comezaro le el andamjo. Et te los vassallos. Et qnto tiene enlas manos ¶ Et trae los ganados qntos andan[tachado: t]. por el campo. ¶ Et te le por dessonrra las la uanderas q al ag esta lauado. ¶ Tras ellos salio el conde co çient cauallos fijos dalgo. ¶ Rebtando a gndes bozes. a fijo de layn caluo. dexat mjs lauanderas. fijo del alcalde çibdadano. ¶ Ca mj non me atenderedes atantos por tantos por qnto el esta escaletado. Redro Ruy laynes. senor q era de faro. ¶ Cyento por ciento vos se mos de buena mjete & al plga ¶ Otoganse los omenaJes q fuessen y al dia de plazo. ¶ Tornan le delas lauaderas & delos vassallos. Mas no le dieron el ganado. Ca selo qrien tener. Por lo q el conde avia leuado. ¶ Alos nueue dias cotados} Caualgam muy puado. Rodrigo fijo de don diego Et njeto de layn caluo. Et njeto del conde nuno aluarz de amaya. Et visnjeto del rey de leo doze anos avia por cuenta & avn los tze no so Nunca se viera en lit ya qbrauale el corazon. ¶ Cuentasse enlos çien lidiadors q qisso el padre o q no. Enlos pmeros golpes suyo & del conde don gomez son. Paradas estan las hazes E comjenzan a lidiar. Rodrigo mato al conde Ca no lo pudo tadar. Venjdos son los çiento. & pienssan de lydiar. En pos ellos salio rodrigo q los non da vaga. ¶ Prisso a dos fijos del conde a todo su mal pessar. ¶ A ferna gomz & alfoso gomz Et traxo los a biuar ¶ Tres fijas avia el conde cada vna por cassar. ¶ E la vna era elujra gomz Et la mediana aldonza gomz ¶ Et ala ot ximena gomz la meno Qndo sopieron q eran pssos los hmanos. Et q era mueto el padre. panos viste brunjtados. Et velos a toda parte. ¶ Estonce la avian por duelo agora por gozo. la traen. ¶ Salen de gomaz. & vanse pa biuar Vio las venj don diego. Et a Reçebirlas sale. Donde son aqstas freyras. q algo me viene demandar. Dezir vos hemos senor. q no avemos por q vos lo nega. ffijas somos del conde don. gomaz. & vos le madastes. matar Prissistes nos los hemanos. Et tenedes los aca. ¶ Et nos mugieres somos q non ay qen nos anpare. Essas oras dixo do diego. no deuedes amj culpar. Pedit las a Rodrigo. sy vos las qsiere dar. prometolo yo a xps. amj no me puede pessar. Aqsto oyo Rodrigo comezo. de fablar. Mal fezistes senor. deuos negar la vdat. Que yo sere vro fijo. Et se de mj madre. Parat mjentes al mudo. Senor por carydat. Non han culpa las fijas. por lo q fizo el padre. Dat les a sus hemanos. q muy meneste los han. Contra estas duenas. mesura deuedes catar. ¶ Ally dixo don don diego. fijo mandat gelos dar. Sueltan los hemanos. alas duenas los dan. Qndo ellos se viero fuera. en saluo comezaro de fabla. ¶ Qnze dias possieron de plazo. a Rodrigo & asu padre. Quelos vengamos qmar. de noche enlas cassas de biua. ¶ ffablo ximena gomez la meno. Mesura dixo hermanos. por amor de caridat. yr me pa camora. al Rey don fenando qrellar. Et mas fincaredes en saluo. Et el derecho vos dara. Alli caualgo ximena gomz. tres doncellas con ella van. ¶ Et otros escuderos qla avian de guad. llegaua a zamora. do la corte del Rey esta. llorando delos [interlineado mano 2: ojos] [mano 1] & pediedol pieda. Rey duena so lazrada. Et ave me piedat. Orphanjlla finq peqna. dela condessa mj madre. ffijo de don diego laynez. ffizo me mucho mal. Prisso me mjs hemanos. & matome a mi padre. A vos q sodes Rey. vengo me a qrellar ¶ Senor por merçed derecho me mandat dar Mucho pesso. al rey. Et començo de fablar En grant coyta son mjs Reyno castilla alçar se me ha. ¶ Et sy se me alçan castellanos ffazer me han mucho mal. Quando lo oyo ximena gomz las manos le fue bessar ¶ Merçed dixo senor. no lo tengades a mal. Mostrar vos he assosegar a castilla. & alos reyno ot tal Dat me a Rodrigo por marido aql q mato amj padre. ¶ Qndo aqsto oyo el code do ossorio. amo del rrey don fernando. ¶ Tomo el Rey porlas manos. & aparte yva sacallo. Senor que vos semeJa q don vos ha demandado. ¶ Mucho lo deuedes agdeçe. al padre apoderado. Senor enbiat por Rodrigo. & por su padre puado. A pessa fazen las cartas q non lo qieren tardar Danlas al mensajero al camjno es entrado. ¶ Quando llego a biuar don diego estaua folgado ¶ dixo omjllo me. avos senor ca vos trayo buen madado ¶ Etnbia por vos & por vro fijo. el bue rrey do fenando. vedes aquj sus cartas firmadas q vos trayo ¶ Que sy dios qsiere sa ayna Rodrigo encimado Don diego cato las cartas Et ovo la color mudado. Sospecho que porla muete del [interlineado: conde] queria el rey matar lo. ¶ ¶ Oyt me dixo mj fijo mjentes catedes acae. Temome de aqstas cartas que andan con falsedat. ¶ Et desto los rreys muy malas costumbres han ¶ Al rey q vos sujdes. sujllo muy sin arte. ¶ Assy vos aguadat del como de enemigo motal ffijo passat vos para faro. do vro tyo Ruy laynez esta. ¶ Et yo yre ala cote. do el buen Rey esta. ¶ Et sy a por aventa el rey me [interlineado: matar] Vos & vros tios pode me hedes ¶ vengar. Ally dixo Rodrigo. Et esso no seria la verdat. ¶ por lo q vos passaredes. por esso qiero yo passar ¶ Maguer sodes mj padre qujero vos yo aconsejar. Treçientos caualleros todos convusco los leuat Ala entrada de çamora Senor amj los dat ¶ Essa ora dixo don diego pues pensemos de andar ¶ Metense alos camjnos para çamora van. Alla entrada de çamora alla do duero cay Armanse los trezjentos & rodrigo otro tale ¶ desquelos vio Rodrigo armados. començo de fablar ¶ Oyt me dixo amjgos parientes & vasallos demj padre ¶ Aguardat vro senor sin engano & sin arte. Sy vieredes que el algzil lo qsiere prender mucho a pessa lo matat. Tan negro dia aya el rey como los otros q ay estan. Non vos pueden dezjr tydors por vos al rey mata Que non somos sus vasallos nj dios no lo mande. Que mas tyador sya el rey Sy amj padre matasse Por yo mata mj. enemigo en buena lid en campo. yrado contrala corte et do. esta el buen Rey don fernado. ¶ Todos dizen ael q el q mato. al conde lozano. ¶ Quando Rodrigo bolujo los oJos todos yvan derramado. ¶ Avien muy grant pauor. del & muy grande espanto. ¶ Allego don diego laynez. al rey bessar le la mano. ¶ Quando esto vio Rodrigo. no le qisso bessar la mano. Rodrigo finco los ynoJos. por le bessar la mano. ¶ El espada tya luenga. el Rey fue mal espantado. A grandes bozes dixo. Tirat me alla esse peccado. Dixo estonçe don Rodrigo qrria mas vn clauo Que vos seades mj senor. nj yo vro vassallo. ¶ Por q uos la besso mj padre Soy yo mal amanzellado. ¶ Essas oras dixo el rey al. conde don ossorio su amo. Dad me vos aca essa doçella. despossaremos este lozano. ¶ Avn non lo creyo don diego. tanto estaua espantado. Salio la donçella. Et te la el conde por la mano. ¶ Ella tendio los ojos. Et a Rodrigo comezo de catalo. ¶ Dixo senor muchas meçedes. Ca este es el conde q yo demado. ¶ Ally despossauan a dona ximena gomz co rro el castellano. ¶ Rodrigo respodio muy sanudo. cont el Rey castellano. Senor vos me despossastes. mas a mj pessar q de gdo. ¶ Mas pmetolo a xpus. q vos no besse la mano. Nyn me vea con ella. en yemo nj en poblado. ¶ ffasta q venza çinco lides. en buena lid en canpo. ¶ Qndo esto oyo el Rey. fizo se maravillado. dixo. ¶ Non es este ome. mas figura ha de peccado. ¶ Dixo el conde don ossorio. mostrar vos lo he puado. ¶ Quando los moros corriere. a castilla no le acorra ome nado. ¶ veremos silo dize de veras. o silo dize baffando. ¶ Alli espediero padre & fijo. Al camjno fueron entdos. ¶ ffuesse para biuar a sant ped. de cardena por morar y el vano. ¶ Corryo el moro a burgos. de ayllon muy lozano. ¶ Et el arrayaz bulco. de sepulueda muy honrrado. ¶ E su hemano tosios el arrayaz. de olmedo muy Rico. & mucho aboda. ¶ Ent todos era .v. mjll moros. a cauallo. ¶ Et fueron corre a castilla. Et llegaro a bilforado. ¶ Et qmaro a Redezilla. Et a gnon de cabo a cabo. ¶ A Rodrigo llego el apellido. qndo en siesta estaua adomjdo. ¶ Deffendio q njng no despta sse asu padre sol no fuesse vssado. ¶ Meten se alas amas & cavalgan muy priuado. ¶ Trezientos cavallos del pad. vanlo aguadando. ¶ Et otras gentes de castilla. q sele yuan llegando. ¶ Et los moros venjen Robado. la tierra & fazjendo mucho dano. ¶ Trayan grant poder con Robo de ganado. Et xianos captiuos mal peccado. Ala naua del grillo. do es lerma llamado. ally los alcanço Rodrigo. SEgujo los en alcaçe lidio con los algareros q no colos q leuauan el ganado. ¶ Et alos vnos mato. Et alos ots fue arramado. ¶ Por el campo de gomjel. a yoda llegaron. ¶ Do yuan los poderes. conel Robo tamano. ¶ Ally lidio Rodrigo conellos buena lid enel campo ¶ vn dia & vna noche fasta otro dia mediado ¶ Etstudo en pesso la batalla & el toneo mesclado. ¶ Rodrigo vençio la batalla dios sea loado. ¶ ffasta pena falcon. Do es pena f[tachado: i]fiel lamado las aguas de duero. yvan las enturbiando ¶ Ally bolujeron vn toneo Cont fuente duena llegando ¶ Mato Rodrigo alos dos arrayazes. & psso al moro bgo loçano ¶ El txo los paganos cotra tudela de duero & el ganado. ¶ Captiuos & captiuas. Traxo los el castellano. ¶ En çamora llegaro los manda dos do era el buen rey do ferr ¶ El rey qndo lo sopo fue ledo & pagado ¶ Ay dios que grande alega fazia el rey castellano ¶ Caualgo el buen Rey. conel muchos condes. & cauallos Et otros omes fijos dalgo. ¶ ffuese para tudela de duero do paçia el ganado. ¶ Rodrigo qndol vio venjr Reçebiolo muy puado ¶ Cata dixo buen Rey q te tyo Maguera no so tu vassallo ¶ de çinco lides que te pmeti el dia q tu me oviste desposado. ¶ vençido he la vna yo catare por las qtro. ¶ Essas oras dixo el bue Rey por todo seas pedonado ¶ En tal q me des el qnto. De qnto aq has ganado. ¶ Estonçe dixo Rodrigo. sola mete no sea pesado. ¶ Que yo lo dare alos mesqnos. q assaz lo han lazrado. Lo suyo dare alos diezmos q no qero su peccado ¶ Delo mjo dare soldadas aqllos q me aguardaron. Essas oras dixo el bue rey dame aesse moro lozano. ¶ Estonçe dixo Rodrigo. sola mete non sea pensado. ¶ Que no por qnto yo valgo. q fidalgo a fidalgo qndol pnde. non deue dessonrrar lo ¶ Demas non vos dare el qnto. Synon de aver monedado. ¶ Que dar lo he amjs vassallos q assaz melo han lazerado ¶ Despediero se del rey. Et bessaron le la mano. ¶ Trezientos caualleros fuero por cuenta los q ally fuero juta. Quando esto vio Rodrigo. alos moros se tono priuado. ¶ Oyt melo Rey moro burg de ayllon muy lozano yo non pnderia rey Nin amj non seria dado. ¶ Mas Rogue vos q venjesedes con mjgo. vos fezistes lo de gdo. yt vos pa vro reydo Saluo & seguro q en toda la mj vida no ayades mjedo. de rey moro njn de xpiano. ¶ Qnto avian los arrayazes q yo mate vos hedat lo Sy vos qsiere abrir las [tachado: ul] villas sinon ebiat me madado. yo fare q vos abran a mjedo que non de grado. ¶ Qndo esto vio el moro bgo de ayllon muy lozano ¶ ffinco los ynoJos delate rr & besso le la mano de boca fablado. ATy digo el mj senor yo so el tu vassallo. Et do te de mj ave el qnto & tus parias en cada ano Alegre se va el moro. alegre se tono el castellano ¶ Parias le enbio el Rey moro. de ayllon muy lozano. Que pa en qtro anos. Fuesse Rico & abondado. ¶ Sopolo el conde don m gz De nauarra. caualgo muy puado. Et fuesse para el Rey Senor pesse te del tu dano ¶ Calahora & tudela forçada tela ha el buen Rey do ferr Senor da me tus cartas. & yre desafiarlo. yo sere tu justador Conbater lo he puado. ¶ Essas horas dixo el rey ssea te otorgado. las catas dan al conde Al camjno es entrado. Allegaua a çamora. al buen Rey don fernando. ¶ Entro por la corte. al buen Rey besso la mano. ¶ E dixo oyt me Rey de gnd poder. vn poco sea escuchado. Mensagero con cartas no deue tomar mal njn Reçebir dano. ¶ Enbia vos desafiar el rey de arago. avos & atodo vro Reynado. ¶ Vedes aquj sus cartas. yo vos trayo el mandado. ¶ Synon dat me vn justador De todo vro reynado. yo lidiare por el Rey de arago Que so su uassallo. ¶ Quando esto oyo el rey En pie fue leuantado ¶ E dixo pessar devia a dios Et a todo su Reynado. De tal cossa començar rey Que deuja ser su vassallo ¶ Qujen gelo consejo. E como fue dello ossado. Qual seria de mjs Reynos amjgo o pariente o vassallo. Que por mj qssiese lidiar ESTE Rieto. Rodrigo alos tres Rodrigo alos tres dias. a çamora ha llegado. ¶ vio estar al rey muy tste ante el fue parado. Sonrrisando se yva & dela boca fablando. Rey q manda a castilla & a leo non deue ser desconortado ¶ Rey qien vos fizo pessar o como fue dello ossado ¶ De presso o de mueto non vos saldra dela mano ¶ Essas horas dixo el rey Seas bien aventurado ¶ A dios mucho agdesco por v q eres aq llegado Ati digo la mj coyta: d] donde soy coytado. ¶ Enbio me desafiar el rey de aragon. & nuca gelo ove buscado. ¶ Enbiome dezjr ql diesse a calahorra. amjdos o de gdo o quel diesse vn justador de todo el mj Regnado ¶ Querelleme en mj cote a todos los fijos dalgo. Non me respondio ome nada ¶ Respondele tu Rodrigo mj pariente & mj vasallo fijo eres de diego laynez & njeto de layn caluo. ¶ Essas horas dixo Rodrigo Senor plaçe me de gdo ¶ Atal plazo nos dedes q pueda s tornado. ¶ Que qero yr en Romya al padron de santiago Et a santa ma de Rocamador Sy dios qsiere gssarlo ¶ Essas horas dixo el rey en treynta dias avras afato El conde con grand bien pie fue leuantado ¶ Et dixo [tachadoal rey en treynta dias mucho es grand plazo Que mas me qria ver con rr. q qen me diesse vn condado. ¶ Estonçe dixo Rodrigo. Conde por q vos qxades tato. ¶ Que a quien diablos han de tomar chica es posiesta de mayo ¶ Essas horas dixo el rey. ve tu via bien aventurado ¶ Alos camjnos ent rodrigo pessol & a mal grado De qual dize benabete. Segunt dize enl Romaçe ¶ E passo por astorga. Et llego a mote yralgo Complio su Romya por sant saluador de oviedo. ¶ fue tornado ala condessa dona theresa nunez. & a pessa ovo pre guntado. ¶ Senora qntos dias ha passados q yo fue en Romya a santiago ¶ Et dixo la codessa oy passan veynte & seys dias Cras san los veynte & syete dias llegados. Quado esto oyo Rodrigo fue mal amazellado. & dixo Caualgat mjs caualleros & no qrades tardarlo. Vayamos nos suj al buen Rey don fernando. q tres dias. ha non mas para complir se el plazo Alos camjnos ent Rodrigo con treçientos fijos dalgo Al vado de cascajar. a do duero fue apartado fuete dia fazia de frio ala posiesta en llegando ala horilla del vado estaua vn peccador de malato A todos pediendo piedat qle passasen el vado. Los caualleros todos escopian Et yvanse del arredrando. ¶ Rodrigo ovo del duelo Et tomolo por la mano so vna capa vde aguadera passolo por el vado En vn mullo andador q su padre le avia dado E fuesse para greJalua do es cerrato llamado So vnas piedras cauadas q era el poblado. Sola capa verde aguadera alugo el castellano & el malato ¶ E en siendo dormjendo ala oreJa le fablo el gapho ¶ Dormjdes Rodrigo de biuar Tiempo has de s acodado. mensagero so de xps. q non soy malato. ¶ Sant lazaro so ati me ovo dios enbiado. que te de vn Resollo enlas espaldas q en calentura seas tonado [interlineado mano 2: ntrado] Que qndo esta calenta oviers q te sea menbrado. Quantas cossas comezares arrematar las con tu mano Diol vn rresollo enlas espalda q alos pechos le ha passado ¶ Rodrigo despeto & fue muy mal espantado. Cato en derredor de ssy Et non pudo fallar el gapho Menbrole daql sueno [tachado: e] Et caualgo muy puado ffuesse pa cahorra de dia Et de noche andando y era el Rey don rramjro de arago. y era el rey do ferr y era el rey don ordono de na varra venjdo era el dia del plaço Et non assomaua el castellano En pessa se vio el & a diego laynez ovo buscado. Diego laynez vos lidiat este rrieto por saluar a vro fijo q avos era dado. Dixo diego laynez Senor plaze me de grado Arman le mucho a pessa el cuepo & el cauallo. Qndo qsso caualga assomo el castellano ¶ A Reçebir le sale el rey co muchos fijos dalgo Adelante dixo a Rodrigo por q tadades tanto Estonçe dixo Rodrigo Senor non sea culpado Ca avn fasta el sol puesto es todo el dia mj plazo lidiare en esse cauallo de mj pad q el mjo viene muy cansado Dixo diego laynez. fijo plaze me de grado ¶ El Rey con grant plaze parosse armarlo. Dixo Rodrigo Senor no sea clpado. Caualgar qria Rodrigo. no qria tardar lo. Non le venja la calenta q le auja dicho el malato Dixo al rey Senor dad me vna sopa en vino Quado qsso toma la sopa la calenta ovo llegado en logar de tomar la sopa tomo la rrienda del cauallo enderezo el pendo Et el escudo ovo enb[tachado: a]razado E ffuese para ally do estaua el nauarro. ¶ El navarro llamo aragon. Et castilla el castellano yuan se dar senos golpes los cauallos encostaron Dixo el conde nauarro q cauallo tes castellano Dixo Rodrigo de biuar. qeres trocarlo Cambia lo comjgo Sy el tuyo es mas flaco Ally dixo el conde no me sya dado. partieron les el sol Et los fieles como de cabo yvan se dar senos golpes & errol el conde navarro Non lo erro Rodrigo de biua vn golpe le fue dar qle abatio del cauallo. en ante q el conde se leuantase. deçedio a degollar lo. desta gujssa gano a calahorra Rodrigo el castellano Por el buen Rey don fenado El dia de santa cruz de mayo que atiença avia por Reynado el Rey moro jesyas de guadalajara. Que a africa ovo poblado aquel moro jessyas mucho honrrado madriano. ¶ E sopo lo el rey moro bgos De ayllon muy lozano. Et vino se pa castilla de dia Et de noche andando. A biuar enbio el mandado Et qndo lo sopo Rodrigo Caualgo muy puado. entre dia & noche a çamora es llegado al rey se omjillo. & nol besso la mano Dixo Rey mucho me plaze por q non so tu vassallo Rey fasta q no te armasses non deujas tener Reynado Ca no esperas palmada de moro njn de xpiano. Mas ve velar al padro de stiago qndo oyeres la missa Armate con tu mano Et tu te cine la espada con tu mano. & tu decin como de cabo E tu te sey el padrino. Et tu sey el afijado Et llamate cauallo dl padro desciago E seryas tu mj senor Et mandarias el tu Reynado Essas horas dixo el rey en tanto fue acodado. Non ha cossa Rodrigo q non faga por te non salir de mandado Metieronse alos camjnos passol Rodrigo a mal grado q dizen [tachado: i] benauete segu dize enel Romançe. passo lo a astoga Et metiolo a monte yraglo. De ally se tono Rodrigo q le apresuraua el madado q se agujssauan paganos pa correr el reynado De noche llego Rodrigo a biua daua su apellido q no lo entediesse los q vendian el reynado A sant esteua fue diego laynz llegado. & do rruy laynz de alfaro E don layn laynez q ovo a tujno conprado. E fernad laynez de sant esteua muy lozano. El aluor qria quebar Et avn el dia no era claro. Quando assomaua los çinco Reys moros por el llano. por la deffesa de sant esteuan a duero no son llegados. Ally aderezo Rodrigo sus gentes acaudellando buelue la batalla llega qrra al qrto. Muchas gentes se perdi eron de moros & de xpianos Malos peccados y morieron qtro fijos de layn caluo Muchos buenos cauallos enderredor Rodrigo los ovo encontrados. desque vio el padre & los tios muetos. ovo la color mudado. qsiera arrama los xpianos. Rodrigo ovo el escudo enbraçado por torna los xano del padre no ovo cuydado. ¶ Ally fue mezclada la batalla Et el torneo abiuado Paradas fueron las azes Et el toneo mezclado. ¶ Ally llamo Rodrigo a satyago fijo del zebedeo. Non fue tan bueno de amas judas el macabeo. njn archil njcanor njn el rey tholomeo Cansados fueron de lidiar Et fartos de tonear ¶ Tres dias estido en pesso la fazienda de rr de biuar A pocas quelo no tomaro entrega armado estando esto le acosejo por el buen Rey do fernando Quando los condes vendieron el reynado. la batalla vençio Rodrigo por ende sea dios loado Mato al rey garay moro de atiença. ¶ E al rey de cigueza su hermano. Et mato al de guadalajara. Et psso al madriano Et al talauerano Et a otros moros afartos Ca muy bien le ayudo el rey moro burgos de ayllon loçano. Que era su vassallo. Et txieron los dos Reys moros pa el pueblo çamorano ¶ Tornosse Rodrigo pa castilla tan sanudo & tan yrado toda la tierra tembraua conl castellano. fue destroyr a rredezilla & qmar a bilforado Conbatiero A gnon. E psso al conde don gaçi frrz con su mano Por villa franca de mote doca le leuaua apressionado. E violo el conde don ximeno sanchez de burueua su hmano E qndo lo vio rrodrigo luego le salio al alcançe Ençerrolo en .vij. barrios q es birujesca llamado En santa ma la antigua Se encerro el conde lozano Conbatiolo rr amjdos q no de grado. ovo de Ronper la yglia Et entro enella puado. sacolo por las baruas al code De tras el alta co su mano E Dixol sal aca aleuoso & ve vende a xanjs mo. & a moros Et matar atu senor honrrado. Dos condes lieua pressos rrodrigo a carrio. fue llegado. ¶ Qndo lo so pieron los codes de carrion & de castilla Todos se alegraron Et fezieron la jura en las manos & omenaje le otrga q a treynta dias contados fuessen antel rey don fernado Conlos pssos fue Rodrigo al pueblo çamorano. Et metiolos en pssyo colos moros & caualgo puado. ¶ Et sale a rreçebir alos camjno al buen Rey don fernando Et encontlo entre çamora & benavente do es moreruela poblado. desde ally fasta çamora fue gelo contado. ¶ El rey qndo lo oyo enbio portodos sus Reynados. portogalesses Et galizianos leonesses Et asturianos. Et estremada con castellanos. Et ally los mando el rey tan ayna judga. los condes q tal cossa fazia q muete merecian. ¶ Judgaron potogalesses abueltas con gallizianos diero por juyzio q fuese despenados Iudgaron leonesses con asturianos dieron por juyzio q fuessen arrastdos Judgaron castellano abuelta con estremadanes. Et dieron por juyzio q fuesse qmados. ffijos fuero del code don pedro [tachado: mucho] del canpo mucho orrado Qndo sopieron q Rodrigo delos Reynos era echado Entraron a palençia por fueça q pmero era condado. E a muy gnd dessonrra echaron fuera al plado. E fuesse querrellar al pueblo çamorano Senor mjenbre se te Cano te deue s olujdado Conel rey vro padre oue a palençia franqado ¶ Et dixo el rey muchas cossas q yo no puedo fazer mal pecca Dixo arnaldo el plado yr qiero a Roma qrellar lo Essas horas dixo el rey Como vieredes mas gssado Calos reynos tengo q se me alçaran & los fijos dalgo. Dyos traxiesse a Rodrigo Que sabria calonar lo Ca yo enla Romeria he abondo mal peccado enla vnjdat forçada fasta q yo pueda emedalo En esta qrella llego ot mandado Cartas del rey de fraçia & del emperador alemano Cartas del patarcha & del papa Romano Que diessen tbuto espana [tachado: espa] & françia desde aspa fasta en santiago. El Rey q en espana visqujese Siepre se llamasse tbutario Diese fuero & tributo cada ano Cinco son los Reynados de espana. asy vinje afirmado q diessen qnze donçellas vir gines en cada ano. E fuessen fijas dalgo. & dez cauallos los meJores del reydo Et treynta marcos de plata q despensasen los fijos dalgo Et azores mudados. Et tres falcones los meJors delos reynados. ¶ Etste tributo q diesse cada ano en qnto fuessen biuos xianos ¶ Qndo esto oyo el bue Rey don fernando. batiendo va amas las palma las azes qbrantando. peccador sin venta aq tpo so llegado. Qntos en espana visqero nunca se llamaro tbutarios Amj veen me njno & sin sesso Et van me sobeujando. Mas me valdria la muete Que la vida q yo fago Agora enbiare por mjs va ssallos. q me semeJa gssado Et consejar me he conellos sy sere tributario. Ally embio por Rodrigo Et po todos los fijos dalgo Enbiara atregua los codes q non temjessen de dano llego con ellos Rodrigo al pueblo çamorano. Et tomo los por las manos & leuolos antel Rey don ferr Senor pdona aqstos codes syn arte & sin engano. yo los pdono sin arte & sin engano por non te salir Rodrigo de mandado. Quelos çinco Reys despana qero q anden por tu mano Ca françia & alemana faze me tributario. Et el papa de Roma q debia vedar lo Vedes aq su pujllegio con su sello colgado ¶ Estonçe dixo Rodrigo por ende sea dios loado Ca vos enbian pedir don vos deuedes otrgarlo Avn non vos enbia pedir tbuto. Mas enbia vos da algo. Mostrar vos he yo aqste av ganarlo. ¶ Apellydat vros regnos. desde los puetos de aspa fasta en santiago Sobre lo suyo lo ayamos lo nro este qdado. Sy non llego fasta paris no deuia s nado. Por esta rrazo dixieron el buen don ferrnado} par fue de emperador mado a castilla vieja. Et mando a leo Et mando alas esturias fasta en sant saluador Mando a galiçia onde los cauallos son. Mando a portogal essa trra jenzor. Et mando a cohinb de moros. poblo a mote mayor poblo a sorya fronta de arago E corrio a seujlla tres veçes en vna sazon. A dar gela oviero moros q qsieron o q non Et gano a sant ysydro Et aduxolo a leon ovo a nauarra encomjeda Et vino le obedeçer El rey de aragon A pessar de françesses los puetos de aspa passo A pessar de Reys & de emperadors a pessar de Romanos dent en paris entro Con gentes honrradas q de espana saco El conde don ossoryo el amo quel crio Et el conde don m gz vn portogales de pro Et el conde don nuno nunz q a simancas mando y el conde don ordono de capos el mejor Et el conde do fruela q a salas mado Et el conde don aluar rrz q alas asturias mado Etste poblo a mondonedo Et [blanco] de enqbrando y el code do galin laynez el bueno de carrion y el conde don essar senor de moço y el conde don rr de cabra senor E el conde don bellar escogiera el meJor. Et el conde don ximon sanches de burueua senor Etl el conde don gaçia de cabra de todos el mejor Et el conde garçi frz el bueno crespo de gnon Almeriq de nabona ql dizen don qron Con ellos va Rodrigo de todos el mejor los çinco Reys de espana todos juntados son Passauan allede duero passauan allende arlazo E [blanco] siete semanas po cueta. estido el Rey don fernando atendiendo batalla en vna lid en canpo Apellydose françia co getes enderredor. Apellydose lonbardia asy como el agua corre Apellydose Pauja & ots getes Apellydose alemana conel emperador. pulla & talabra. Et sezilla la may Et toda tierra de Roma con qntas gentes son Et armenja Et psia la mayo Et frandes & rrochella & toda tierra de vltmar Et el palazin de blaya Saboya la mayor Quales atauetdores del buen Rey don fernando El conde don firuela Et el conde don ximo sachez vieron venjr gndes poders del conde saboyano con mjll & nueveçientos cauallos a cauallo venjeron se cotra} el rey de castilla. llamando alas armas caualleros el buen Rey don fernando A Ruedano passemos ante q prendamos dano q atantos son françesses como yeruas del canpo essas horas dixo el rrey do frr Non es lo q yo demando grandes tiempos ha passado Que yo saly de mjs reynado Quantos della saq todos son despensados. al dia q yo cob diciaua ya se me va allegado de v me en lid en campo. Con qen me llama tbutario varones q me fizo rey Senor de espana. la mesura de vos ots fijos dalgo llamastes me senor Et bessastes me la mano yo vn ome so senero como vno de vos otros. qnto es del mj cuepo no puede mas q ot ome Mas do yo metier las manos por dios vos sacaldas. Que gnd pssion espa espana mjentra el mundo fuere q vos no llame tributarios en njguna sazon. Ca vos orarian mal sieglo qntos por naçe son A njng destas qrellas njg non le respondio El rey conla malenconja por el corazon qria qbrar Demando por Rodrigo el q naçio en biuar. Recudiole Rodrigo la mano le besso. q vos plaze senor el bue Rey don fernando. Sy conde o Rico ome vos salio de mandado. Muerto o psso mete vos lo he en vra mano. Essas oras dixo el rey seyas bien aventurado Mas sey alferze de mj sena syemp telo avre en gdo Et sy me dios tona a espana syemp te fare algo Ally dixo Rodrigo Senor non me sya dado. do esta tato ome Rico & tanto conde Et tanto poderosso fijo dealgo A qen pteneçe sena de senor tan honrrado. Et yo so escudero & no cauallo armado. Mas besso vras manos Et pido vos vn don. Quelos pmos golpes. yo con mjs manos los tome Et abrir vos he los camjnos por do entredes vos. Essas horas dixo el Rey otorgo telo yo. Essas oras Rodrigo atan a pessa fue armado con trezientos caualleros quel bessauan la mano Cont el conde de saboya salyo. tan yrado Rodrigo nunca viera Sena nj pedon devissado. Ronpiendo va vn manto q era de sirgo la pena le tiro puado a priessa esto de punta ala met la espada q traya al cuello tiro la tan puado. Qnze Ramos faze la sena vguença avia dela da alos caualleros. Et bolujo los ojos en alto. vio estar vn su sobno fijo de su hemano Quel dizen po mudo Ael fue llegado. ven aca mi sobno fijo eres de mj hermano El q fizo mj hemano en vna labradora qndo andaua cazando. varon toma esta sena faz lo q yo te mando. Dixo po bemudo. q me plaze de grado Conosco q so vro sobrino fijo de vro hemano Mas de q saliestes de espana non vos ouo menbrado A cena nj a ayantar non me oviestes conbidado. de fanbre & de frio so muy coytado Non he por cobetura del cauallo por las crietas delos pies correme sangre clara. Ally dixo rr calla tydor puado todo ome de buen logar. q qere sobir a buen estado. Conviene q delo suyo sea abida q atienda mal. & bien sepa el mundo passar lo. Pero mudo tan a pessa fue amado Reçebio la sena. a Rodrigo besso la mano. Et dixo senor. afrueta de dios te fago. vey la sena sin engano q en tal logar vos la pondre antes del sol çerrado. Do nunca ent sena de moro nj de xpiano. Ally dixo Rodrigo esso es lo q yo te mando. Agora te conosco q eres fijo De mj hemano. Con trezientos cauallos yua la sena guardando violo el conde de saboya. en tanto fue espantado Et dixo alos cauallos. Caualgat muy puado Sabed me de aquel espanol sy viene dela tierra echado Si fuere conde o Rico ome venga me bessar la mano Sy fuere ome de buen loga tome mjo mayoradgo. Tan a pessa los latinos. A Rodrigo son llegados Et fizo se maraujllado qndo gelo contaron. Tornat vos dixo latinos al conde mj madado. Et dezilde q non so Rico njn poderoso fidalgo Mas so vn escudero non cauallero armado ffijo de vn mcadero. njeto de vn çibdadano mj padre moro en Rua Et siempre vendio su pano ffincaron me dos pieças el dia q fue finado. Et como el vendio lo suyo vendere yo lo mjo de gdo Ca qen gelo conpua. muchol costaua caro Pero dezjlde al conde q de mj cuepo atanto q de mueto o presso non me saldria dela mano El conde qndo esto oyo fue mucho sanudo Et yrado Espanol fide enemjga ya vos viene menazando todos los ots mueran. Aquel sea pressyonado E leuat melo a saboya muy las manos atadas colgar lo he delos cabellos del castillo puado. Mandare amjs Rapazes tan sin duelo. Que enel medio dia diga q es noche cerrada. Caudillan las azes Et lidian tan de grado Saboya llamo el conde. E castilla el castellano Veredes lidiar a profia Et tan firme se dar Atantos pendones obrados alçar & abaxar. Atantantas lanças qbradas por el pmero qbrar Atantos cauallos caer Et non se leuantar Atanto cauallo syn dueno por el campo andar. En medio dela mayor pessa Rodrigo fue entrar Encontrosse conel code Vn golpe le fue dar derribolole del cauallo non le qisso matar Presso sodes don conde el onrrado soboyano Desta gssa vende pano aqste çibdadano Assy los vendio mj padre fasta q fue finado Qujen gelos copraua assy les costaua caro Essas dixo el conde messura espanol onrrado Que ome que asy lidia non deuja s villano O eres hermano o pmo del buen Rey don fernando Como dizen el tu nonbre Si a dios ayas pagado Ally dixo Rodrigo. non te sera negado. Rodrigo me llaman aqstos qntos aq tyo ffijo so de diego laynez Et njeto de layn caluo Essas oras dixo ay mesqino desaventurado. Cuyde q lidiaua con ome & lidie con vn peccado Que dent poco ha q fueste nonbrado q non te atiende Rey moro njn xpiano enel campo Ca de muerto o de presso no te saldria de la mano Oy lo contar al rey de fraçia Et al papa de Roma Que nunca prendes ome nado Que nunca te prendiesse. Dame de que gujssa podria yo salir de tu pssyon que no fuesse dessonrrado Cassar te ya co vna mj fija q yo mas amo & no he ot fija Nyn otro fijo q herede el conda Ally dixo Rodrigo. pues enbia porella muy puado Sy yo della me pagare q cabe se fara el mcado. ya van por la ynfanta a poder de cauallo Traen la guarnjda en vna silla muy blanca. De oro el freno no mejor obdo vestida va la ynfanta De vn baldoq preçiado Cabellos por las espaldas como de vn oro colado ojos petos como la mora El cuepo bien tajado. Non ha rrey nj emperador q della no fuese pagado Qndo la vio Rodrigo tomola por la mano Et dixo conde yt a buena veta muy puado. Que no cassaria co ella. por qnto yo valgo Ca no me pteneçe fija de code njn de condado. El rey don fernando es por cassar ael mela qero dar Sy faga mayoralgo conde por qnto delos ojos vedes no vos coja mas enel capo Dauala Rodrigo alos suyos lieuan la passo El acogiesse pa el rey al galope del cauallo Dixo albricias Senor q vos trayo buen mandado en mjll & noueçientos cauallos fize muy gnd dano prisse al conde de saboya por la barba syn su grado Dyo me por sy su fija. Et yo para vos la qero Et besso las manos. Et vos q me fagades algo Essas oras dixo el rey Solo non sea penssado. Ca por conqryr reynos vine aca. ca no por fijas dalgo Ca nos la qsieramos en espa na fallaramos afartas Essas oras dixo Rodrigo Senor fazed lo puado enbarraganad. a françia Sy a dyos ayades pagado Suya sa la dessonrra yr los hemos denostando. Assy bolueremos con ellos la lid enel campo. Essas oras fue el Rey ledo & pagado. Et dixo Rodrigo. pues en mjll & noveçientos fezistes grand dano. Delos tuyos qntos te fincaron sy a dios ayas pagado. Ally dixo Rodrigo no vos sera negado. lleue trezientos cauallos Et traxe qrenta & qtro Quando esto oyo el rey tomo lo por la mano Al rreal de castellanos amos a dos entron El rey enbio a dos a dos los caualleros de mando fasta que aparto .dcccc. q a Rodrigo bessassen la mano Dixieron los .dcccc. po dyos sea loado Con tan onrrado senor q nos bessemos la mano De Rodrigo q avia nobre Ruy diaz le llamaron. Caualgan estos .dcccc. ala ynfanta tomaron Entre la tienda del bue Rey don fernando Con ella fue el rey muy leydo & pagado Ally dixo Rodrigo al buen Rey don fernando Caualgue vros reynos Et no sean en tardar lo yo yre enla delantera con estos .dcccc. q yo tyo Senor lleguemos a paris q asy lo avre otorgado Ca ay es el Rey de françia Et el emperador alemano y es el patriarcha. Et el papa Romano. q nos estan esperando a qles diessemos el tbuto Et nos qremos gelo dar puado. q fasta q me vea conellos no sya folgado Entran enlas armas. Comjençan de caualgar la delantera lieua rr de biuar Caualga enla manana al aluora El buen Rey don fernando los poderes juntaua ya eran fuera de paris assentados en tantas tiedas en tantos Ricos estrados Ally llego Rodrigo co .ccc. caualleros Ally se Reptan françesses abueltas con alemanes Rietanse los françesses con tantos delos Romanos Ally fablo el conde de saboya muy grandes bozes dando Quedo dixo los Reynos no vos vades coytando aquel espanol q ally vedes es diablo en todo el diablo lle dio tantos poderes q assy viene aconpanado Con mjll q trae mal me ha desbaratado. [tachado: e] Etn mjll & noveçientos fizo me grand dano psso me por la baba amjdos & no de gdo Alla me tiene vna fija donde soy muy cuytado Ally finca la tienda de rruy diaz el castellano Enel tendal don rruy diaz caualga a pessa enl su cauallo baujeca. el escudo ante pecho el pendon enla mano. Oyt dixo los noueçientos veredes lo q fago. Sy non diesse conla mano enlas puetas de paris no sya folgado. sy podiesse mezclar batalla. el toneo pado Que cras qndo el llegasse q nos fallase lidiando Ally movio Ruy diaz entre las tiendas delos fraçesses Expoloneo el cauallo & ferya los pies enla tierra yua teblado Enlas puetas de paris fue ferir conla mano. A pessar de fraçesses fue passar como de cabo Parosse antel papa muy qdo estido. Que es esso françesses & papa Romano Syemp oy dezir q doze pars avia en françia lidiadores llamad los sy qsieren lidiar Comjgo caualgue muy puado ffablo el rrey de françia no es gssado Non ay delos doçe pares q lidiasse sy non conel rrey do frr Aptat desque venjere el rrey de espana don fernado Et [tachado: &] lidiare conel de gdo Ally dixo Ruy diaz el bue castella Rey vos & los doze pares de mj seres buscado. ya se va rruy diaz alos sus vassallos dan çeuada de dia los sus vassallos son amados todos la tierra fasta el sol rraya assomaron los poderes del bue Rey don fernando. A Reçebir los sale Ruy diaz Et tomo al rrey por la mano Adelante dixo senor el bue rrey don fernando. El mas honrrado senor q en espana fue nado ya qrrian auer en graçia los q vos llama tbutario Agora sanare del dolor que andaua coytado Tan seguro andat por aq como sy oviesedes entdo yo lidiare con estos estad qdado Ally dixo el rey Ruy diaz el castellano. Como tu ordenares mjs reyno en tanto se folgado. Ally finco Ruy diaz la tienda del buen Rey don fernando Conlas suyas cuedas mezclada aderredor delos castellanos abuelta con estremadanos la costanera aragonesses navarro Con leonesses con asturyanos por mantene la çaga portoga lesses con galizianos Qndo esto vio el papa rromano Dixo oyt me Rey de françia el emperado: s alemano Semeja q el rey de espana es aquj llegado. Non viene con meg de corazo mas como Rey esforçado Agora podredes aver derecho sy podieremos tomarlo Qnto ave saco de espana todo lo ha despenssado Agora ganare del tregua por qt anos es chico el plazo despues darle hemos guerra Et toma le hemos el reynado dixieron los rreys Senor enbiat por el puado. A pessa enbia por el rrey el papa Romano Qndo esto oyo el rrey do ferr Armose el Et los fijos dalgo en senos cauallos caualgan Etntre el rey Et el castellano Amos lanças enlas manos Mano por mano fablando. aconsejandole Ruy diaz a gujssa de buen fidalgo Senor en aqsta fabla sed uos bien acordado ellos fablan muy maso Et vos fablat muy brauo Ellos son muy leydos Et andar vos han enganado Senor pedildes batalla pa cras enel aluor qbrado El papa qndo lo vio venjr en ante fue acordado oyt me dixo el bue emperador alemano. Aqste rey de espana semejame mucho onrrado Ponet ay vna silla a pa de vos & cobrilda con este pano Quando vieredes q descaualga leuantad vos muy puado Et prendet lo por las manos Et cabe de vos possaldo Que sea en pa de vos q me semeja gssado. Ally se erzia los poderes de Roma al bue rrey do fernado Non sabia ql era el rey nj ql era el castellano Sy non qndo descaualgo el rrey al papa besso la mano. Et leuantosse el emperador Et Reçebio los muy de bue gdo Et toman se por las manos al estrado van possar Alos pies del rey se va possa rruy diaz el castellano Ally fablo el papa comenzo a pguntarlo Digas me Ruy diaz de espana Sy a dyos ayas pagado Sy qieres s emperador de espa na. dar te he la corona de gdo} Ally fablo Ruy diaz ante q el rey don fernado Deuos dios malas gçias ay papa Romano Que por lo por gana venjmo q non por lo ganado Ca los çinco Reynos de espana Syn vos lo bessan la mano viene por conqrir el emperyo de alemanja q de derecho ha de heredar lo Assentosse enla silla. por ende sea dios loado Vere q le dan avantaja dela ql sa ossado. Conde alemano quel de la corona Et el blago. En tanto se leuanto el bue Rey don fernando. A treguas venjmos Que non por fazer dano vos adelinat mj senor Ruy diaz el castellano Estonçe rruy diaz A pessa se fue leuatado Oyt me dixo Rey de françia E enperador alemano Oyt me patriarcha & pp roma. Enbiastes me pedir tbutario Traer vos lo ha el buen Rey do fernando. Cras vos entgara en buena lid enel campo. los macos quel pedistes. Vos Rey de françia de mj sedes buscado Vere sy vos acorrera los doçe pares. o algun françes loçano Emplaçados fincan pa otro dia enel campo. aleg se va el bue Rey don ferr. Ala su tienda lieua a Ruy diaz q no qiere dexarlo. Ally dixo el rey a Ruy diaz ffijo eres de diego laynez Et njeto de layn caluo Cabdiella bien los Reynos desque cantare el gallo Essas oras dixo Ruy diaz que me plaze de grado Cabdillare las azes ante del aluor qbrado Como esten las azes paradas. en ante del sol rrayado. A pessa dan çeuada Et piensan de caualga las azes son acabdilladas qndo el aluor qiere qbrar Mandaua Ruy diaz alos castellanos al bue rey don fernando guardar Va Ruy diaz conlos .dcccc]. la delantera fue toma Armadas son las azes Et el pregon apgonado lla vna & las dos ala tçera llegando. la ynfanta de saboya fija del conde saboyano yazia de parto enla tienda del buen Rey don fernando Ally pario vn fijo varo El papa fue tomarlo Ante q el Rey lo sopiesse fue el ynfante xpistiano Padrino fue el rey de françia Et el enperador alemano. padrino fue vn patarcha Et vn cardenal onrrado Enlas manos del papa el ynfante fue xpiano Ally llego el buen rey don fenado Qndo lo vio el papa passo el ynfante a vn estrado. Començo de predicar Muy grandes bozes dando Cata diz rey de espana como eres bien aventado Con tan grand onrra. Dios q fijo te ha dado Miraglo fue de xps El senor apoderado Que non qsso q se pdiesse xpistia njsmo. desde Roma fasta stiago Por amor deste ynfante q dios te ovo dado. Da nos tregua sy qera por vn ano Ally dixo Ruy diaz sol non sea pensado Saluo sy es entrega Enpero mas qremos aplazalo Et tal plazo nos dedes q podamos entregarlo O morra este empador ol daremos Reynado aptado Dixo el rey don fernado do uos qtro anos de plazo Dixo el rey de françia Et el emperador alemano por amor deste ynfante q es nro afijado. Otros qtro anos vos pedimos de plazo Dixo el rey don fernando Sea vos otorgado. E por amor del patarcha do vos otros. qtro anos E por amor del cardenal.

Mocedades de Rodrigo. Edición digital