Named Entity View

Poema de mio Cid. Edición digital

TitlePoema de mio Cid
Date of the manuscriptca. 1325
Location of the manuscript Biblioteca Nacional de España, VITR/7/17
Reference in PhiloBiblon BETA texid 1109
Lenght3734 versos
59v < Page 60r > 60v
Desto q les abino avn bie sera ondrados Espidios muno gustioz a myo çid es tornado Assi como lo dixo suyo era el cuydado Non lo de tiene por nada alfonsso el castellano En bia sus cartas pora Leo & a sci yaguo Alos portogaleses & a galizianos E alos de carrion & avarones castellanos Q cort fazie e tolledo aql Rey ondrado A cabo de .vij. semanas q y fuessen iuntados Qi non viniesse ala cort non se touiesse por su vassallo Por todas sus trras assi lo yuan penssando Q non faliessen delo q el Rey auye madado Hya les va pesando alos yfantes de carrion Por q el Rey fazie cort en tolledo Miedo han q y verna myo çid el campeador Prenden so consseio assi parientes como son Ruegan al Rey q los qite desta cort Dixo el Rey no lo fere sin salue dios Ca y verna myo çid el campeador Darledes derecho ca Rencura ha de uos Qi lo fer non qisiesse o no yr a mi cort Qite myo Reyno cadel non he sabor Hya lo viero q es afer los yfantes de carrion Prede consseio parientes como son El conde don garçia en estas nueuas fue Enemigo de mio çid q siempl busco mal
Text view • Wordcloud • Facsimile view • Manuscript line view • Pageflow view • Geolocation view • List names