EN | ES

Lo q Ruegan las duenas no les ha nigun pro Essora les conpieçan adar los yfantes de carrion Con las çinchas corredizas maian las ta sin sabor Con las espuelas agudas don ellas an mal sabor Ronpien las camisas & las carnes aellas amas ados Linpia salie la sangre sobre los çiclatones Ya lo sienten ellas en los sos coraçones qual Qal ventura serie esta si ploguiesse al ciador Q assomasse essora el çid campeador Tanto las maiaron q sin cosimente son Sangrientas en las camisas & todos los ciclatones Cassados son de ferir ellos amos ados En sayandos amos qal dara meiores colpes Hya no pueden fablar don eluira & dona sol Por muertas las dexaron enel Robredro de corpes Leuaro les los mantos & las pieles arminas Mas dexan las maridas en briales & en camisas E alas aues del monte & alas bestias dela fiera guisa Por muertas la dexaro sabed q no por biuas Qal ventura serie si assomas essora el çid campeador Los yfantes de carrion enel Robredo de corpes Por muertas las dexaro Q el vna al otra nol torna Recabdo Por los montes do yuan ellos yuan se alabando De nros casamientos agora somos vengados Non las deuiemos tomar por varraganas