Named Entity View

Poema de mio Cid. Edición digital

TitlePoema de mio Cid
Date of the manuscriptca. 1325
Location of the manuscript Biblioteca Nacional de España, VITR/7/17
Reference in PhiloBiblon BETA texid 1109
Lenght3734 versos
36v < Page 37r > 37v
Non tiene en cuenta los moros q ha matados Lo q caye ael mucho era sobeiano Myo çid don Rodrigo el q en bue ora nasco De toda la su qinta el diezmos la mandado Alegres son por valaençia las yentes xianas Tantos auien de aueres de cauallos & de armas Alegre es dona ximena & sus fijas amas E todas la otras duenas q tienen por casadas El bueno de myo çid non lo tardo por nada Do sodes caboso venid aca mynaya Delo q auos cayo vos non gradeçedes nada Desta mi qinta digo uos sin falla Prended lo q qisieredes los otro Remanga E cras ha la mañana yr uos hedes sin falla Con cauallos desta qinta q yo he ganada Con siellas & co frenos & con senas espadas Por amor de mi mug & de mis fijas amas Por q assi las en bio dond ellas son pagadas Estos dozientos cauallos yran en psentaias Q non diga mal el Rey alfonsso del q valençia manda Mando a po vermuez q fuesse con mynaya Otro dia manana piuado caualgauan E dozientos omes lieuan en su conpana Con saludes del çid q las manos le besaua Desta lid q ha arrancada .cc. cauallos le enbiaua enpsetaia E seruir lo he sienp mientra q ouisse el alma
Text view • Wordcloud • Facsimile view • Manuscript line view • Pageflow view • Geolocation view • List names