Named Entity View

Poema de mio Cid. Edición digital

TitlePoema de mio Cid
Date of the manuscriptca. 1325
Location of the manuscript Biblioteca Nacional de España, VITR/7/17
Reference in PhiloBiblon BETA texid 1109
Lenght3734 versos
30v < Page 31r > 31v
Q vayades por ellas adugades gelas aca E ffata en valençia dellas non uos partades Dixo auegaluo fer lo he de veluntad Essa noch conducho les dio grand Ala manana pienssan de caualgar Çientole pidieron mas el co doszientos va Passan las montanas q son fieras & grandes Passaron mata de toraz de tal guisa q ningu miedo no han Por el val de arbuxedo pienssan a de prunar E en medina todo el Recabdo esta En vio dos cauallos mynaya albarfanez q sopiesse la verdad Esto non de tardoa ca de coraçon lo han El vno finco co ellos & el otro torno a albarfanez Virtos del campeador anos vienen buscar Afeuos aqi po vermuez & muno gustioz q uos qiere sin hart E martin antolinez el burgales natural E el obpo do jeronimo coranado leal E el alcayaz auegaluo co sus fuerças q trahe Por sabor de myo çid de grand ondral dar Todos vienen en vno agora legaran Essora dixo mynaya vaymos caualgar Esso ffue apiessa fecho q nos qiere de tardar Bien salieron den çiento q no pareçen mal En buenos cauallos a petrales & a cascaueles E a cuberturas de çendales & escudos alos cuellos Et en las manos lanças q pendones traen Q sopienssen los otros de q seso era albarfanez
Text view • Wordcloud • Facsimile view • Manuscript line view • Pageflow view • Geolocation view • List names