Named Entity View

Poema de mio Cid. Edición digital

TitlePoema de mio Cid
Date of the manuscriptca. 1325
Location of the manuscript Biblioteca Nacional de España, VITR/7/17
Reference in PhiloBiblon BETA texid 1109
Lenght3734 versos
22r < Page 22v > 23r
Con los cauallos q el çid le auie dados Comiendo va el conde dios q de buen grado Sobrel sedie el q en bue ora nasco Si bie no comedes conde don yo sea pagado Aqi feremos la morada no nos partiremos amos Aqi dixo el conde de voluntad & de grado Con estos dos cauallos a piessa va iantado Pagado es myo çid q lo esta aguardado Por q el conde do Remont ta bie boluie las manos Si uos ploguiere myo çid de Si uos ploguiere myo çid de yr somos guisados ir somos guisados Mandad nos dar las bestias & caualgeremos piuado Del dia q fue conde non iante tan de bue grado El sabor q dende e non sera olbidado Dan le tres palafres muy bie en sellados E buenas vestiduras de peliçones & de mantos El conde don Remont entre los dos es entrado Fata cabo del albergada escurriolos el castelanno Hya uos ydes conde aguisa de muy franco En grado uos lo tengo lo q me auedes dexado Si uos viniere emiente q qisieredes vengalo Si me vinieredes buscar fallar me podredes E si no mandedes buscar ome dexaredes Delo uro o delo myo leuaredes algo Folgedes ya myo çid sodes en uro saluo Pagado uos he por todo aqste ano De venir uos buscar solo non sera penssado Aguijaua el conde e penssaua de andar
Text view • Wordcloud • Facsimile view • Manuscript line view • Pageflow view • Geolocation view • List names