Named Entity View

Poema de mio Cid. Edición digital

TitlePoema de mio Cid
Date of the manuscriptca. 1325
Location of the manuscript Biblioteca Nacional de España, VITR/7/17
Reference in PhiloBiblon BETA texid 1109
Lenght3734 versos
20v < Page 21r > 21v
Diçe de vna sierra & legaua a vn val Del conde do Remont venido les mensaie Myo çid qando lo oyo en bio pora alla Digades al conde no lo tenga a mal Delo so no lieuo nada dexem yr en paz Respuso el conde esto no sera verdad Lo de antes & de agora todom lo pechara Sabra el salido a qien vino desondrar Tornos el madadero qanto pudo mas Essora lo connosçe mio çid el de biuar Q amenos de batalla nos pueden dende q qitar Ya cauallos a part fazed la ganançia Apiessa uos guarnid & metedos en las armas. El conde don Remont dar nos ha grant batalla De moros & de xianos gentes trae sobeianas Amenos de batalla non nos dexarie por nada Pues a dellant yran tras nos aqi sea la batalla Aptad los cauallos & bistades las armas Ellos vienen cuesta yuso & todos trahen calças Elas siellas coçeras & las çinchas amoiadas Nos caualgaremos siellas gallegas & huesas sobre calças Çiento cauallos deuemos vençer a qlas mesnadas Antes q ellos legen a lano psentemos les las lanças Por vno q firgades tres siellas yran vazias Vera remont verengel tras qien vino en alcança Oy en este pinar de teuar por toler me la ganançia
Text view • Wordcloud • Facsimile view • Manuscript line view • Pageflow view • Geolocation view • List names