Named Entity View

Poema de mio Cid. Edición digital

TitlePoema de mio Cid
Date of the manuscriptca. 1325
Location of the manuscript Biblioteca Nacional de España, VITR/7/17
Reference in PhiloBiblon BETA texid 1109
Lenght3734 versos
13v < Page 14r > 14v
Ayrolo el Rey alfonsso de trra echado lo ha Vino posar sobre alcoçer en vn ta fuerte logar Sacolos a çelada el castiello ganado a Si no das coseio a teca & a teruel perderas Perderas calatayuth q no puede escapar Ribera de salon toda yra amal Assi ffera lo de siloca q es del otra part Qando lo oyo el Rey tamin por cuer le peso mal Tres Reyes veo de moros derredor de mi estar Non lo detardedes los dos yd pora alla Tres mill moros leuedes co armas de lidiar Con los dela frontera q uos aiudaran Prendet melo auida aduzid melo delad Por q seme entro en mi trra derecho me aura adar Tres mill moros caualgan & piessan de andar Ellos viniero ala noch en sogorue posar Otro dia manana pienssan de caualgar Viniero a la noch a çelfa posar Por los de la frontera pienssan de enviar Non lo detienen vienen de todas partes Yxieron de çelfa la q dizen de canal Andidieron todol dia q vagar no se darn Viniero essa noche en calatayuh posar Por todas essas trras los pgones dan
Text view • Wordcloud • Facsimile view • Manuscript line view • Pageflow view • Geolocation view • List names