Named Entity View

Poema de mio Cid. Edición digital

TitlePoema de mio Cid
Date of the manuscriptca. 1325
Location of the manuscript Biblioteca Nacional de España, VITR/7/17
Reference in PhiloBiblon BETA texid 1109
Lenght3734 versos
57v < Page 58r > 58v
Avn veamos el dia q vos podamos vengar Hy iazen essa noche & tan grand gozo q fazen Otro dia manana pienssan de caualgar Los de santesteuan escurriendo los van Fata Rio damor dando les solaz Dallent se espidieron dellos pienssan se de tornar E minaya con las duenas yua cabadelant Troçieron alcoçeua adiestro de santesteuan de gormaz Odizen bado de Rey alla yuan posar Ala casa de berlanga posada psa han Otro dia manana meten se a andar Aqal dizen medina yuan albergar E de medina a molina en otro dia van Al moro auengaluon de coraçon le plaz Saliolos a Reçebir de buena voluntad Por amor de myo çid Rica cena les da Dent pora valençia adelinechos van Al q en buen ora nasco legaua el menssaie Priuado caualga a Reçebir los sale Armas yua teniendo & grant gozo q faze Myo çid asus fijas yua las abraçar Besando las a amas tornos de sonrrisar Venides mis fijas dios uos curie de mal Hyo tome el casamiento mas non ose dezir al Plega al ciador q en çielo esta Q uos vea meior casadas da qi en adelant De myos yernos de carrion dios me faga vengar Besaron las manos las fijas al padre
Text view • Wordcloud • Facsimile view • Manuscript line view • Pageflow view • Geolocation view • List names