Named Entity View

Poema de mio Cid. Edición digital

TitlePoema de mio Cid
Date of the manuscriptca. 1325
Location of the manuscript Biblioteca Nacional de España, VITR/7/17
Reference in PhiloBiblon BETA texid 1109
Lenght3734 versos
19r < Page 19v > 20r
Qiero uos dezir del q en bue ora nasco & çinxo espada Aql poyo enel piso posada Mientrea q sea el pueblo de moros & dela yente xiana El poyo de myo çid asil dira por carta Estando alli mucha y trra paua El de rio marti todo lo metio en paria Asaragoça sus nueuas legauan Non plaze alos moros firme mientre les pesaua Ali · souo mio çid conplidas .x.v. semanas Qando vio el caboso q se tardaua minaya Con todas sus yentes fizo vna trasnochada Dexo el poyo todo lo deseparaua Alen de teruel don Rodrigo passaua . Enel pinar de teuar don Roy diaz posaua Todas essas trras todas las paua Asaragoça metuda la en paria Qando esto fecho ouo a cabo de tres semanas De castiella venido. es minaya Dozientos con el q todos çinen espadas Non son en cuenta sabet las peonadas Qando vio myo çid asomar a minaya El cauallo corriendo ualo abraçar sin falla Beso le la boca & los oios dela cara Todo gelo dize q nol en cubre nada El campeador fermoso sonrrisaua
Text view • Wordcloud • Facsimile view • Manuscript line view • Pageflow view • Geolocation view • List names