Named Entity View

Poema de mio Cid. Edición digital

TitlePoema de mio Cid
Date of the manuscriptca. 1325
Location of the manuscript Biblioteca Nacional de España, VITR/7/17
Reference in PhiloBiblon BETA texid 1109
Lenght3734 versos
18r < Page 18v > 19r
En todos los sos no fallariedes vn mesqino Qi a bue senor sirue siemp biue en deliçio Qando myo çid el castiello qiso qitar Moros & moras tomaron se a qxar Vaste myo çid nras oraçiones uayante delate Nos pagados fincados senor dela tu part Qando qito a alcoçer myo çid el de biuar Moros & moras compeçaron de lorar Alço su sena el campeador se ua Paso salon ayuso aguijo caba delant Al exir de salon mucho ouo buenas aues Plogo alos de tereruel & alos de calatauyut mas Peso alos de alcoçer ca proles fazie grant Aguijo myo çid yuas caba delant Y ffinco en vn poyo q es sobre mont Real Alto es el poyo marauilloso & grant Non teme gerra sabet a nulla part Metio en paria adoroca en antes Desi a molina q es del otra part La tçera teruel q estaua delant En su mano tenie a çelfa la de canal Myo çid Ruy diaz de dios aya su gra Ydo es a castiella albarfanez minaya Treynta cauallos al Rey los enpsentaua
Text view • Wordcloud • Facsimile view • Manuscript line view • Pageflow view • Geolocation view • List names