|
|
Violo myo çid Ruy diaz el castelano
Acostos avn aguazil q tenie bue cauallo
Diol tal espadada co el so diestro braço
Cortolo por la çintura el mid medio echo en campo
Amynaya albarfanez yual dar el cauallo
Caualgad mynaya uos sodes el myo diestro braço
Oyd en este dia de uos abre grand bando
Firme son los moros avn nos van del campo
Caualgo minaya el espada en la mano
Por estas fuerças fuerte mientre lidiando
Alos q alcança va los delibrando
Myo çid Ruy Diaz el q en bue ora nasco
Al Rey fariz iij. colpes le auie dado
Los dos le fallen & el vnol ha tomado
Por la loriga ayuso la sangre destellado
Boluio la Rienda por yr se le del campo
Por aql colpe era rancado es el fonssado
Marti antolinez vn colpe dio a galue
Las carbonclas del yelmo echo gelas aparte
Cortol el yelmo q lego ala carne
Sabet el otro no gelo oso esperar
Arancado es el Rey fariz & galue
Tan bue dia por la xiandad †
Cafuyen los moros dela part
Los de myo çid firiendo en alcaz
El Rey fariz en teruel se fue en trar
|
