|
|
Gentes se aiuntaro sobeianas & de grandes
Con aqstos dos Reyes q dize ffariz & galue
Al bueno de myo çid en alcoçer leua çercar
Fincaro las tiendas & pnded las posadas
Creçen estos virtos ca yentes son sobeianas
Las arobdas q los moros sacan de dia
E de noch en bueltos andan en armas
Muchas son las arobdas & grade es el almofalla
Alos de myo çid ya les tuellen el agua
Mesnadas de myo çid exir qrie abla batalla
El q en bue ora nascio firme gelo vedaua
Touieron gela en çerca complidas tres semanas
Acabo de tres semanas la qarta qrie etrar
Myo çid co los sos tornos a acordar
El agua nos an vedada exir nos ha el pa
Q nos qramos yr de noch no nos lo consintran
Grandes son los poderes por co ellos lidiar
Dezid me cauallos como uos plaze de far
Primero fablo minaya vn cauallo de pstar
De castiella la gentil exidos somos aca
Si co moros no lidiaremos no nos daran del pan
Bie somos nos .vi. çientos algunos ay de mas
|
