|
|
Dando grandes alaridos los q estan en la çelada
Dexando ua los delant por el castiello se tornaua
Las espadas desnudas a la puerta se paraua
Luego legauan los sos ca fecha es el arrancada
Myo çid gano a alcoçer sabent por esta mana
Vino po vermuez q la sena tiene en mano
Metiola en somo en todo lo mas alto
Fablo myo çid Ruy diaz el q en bue ora fue nacido
Grado a dios del çielo & atodos los sos scos
Ya meioraremos posadas adueños & acauallos
Oyd ami albarfanez & todos los cauallos
En este castiello grand auer auemos pso
Los moros yazen muertos de biuos pocos veo
Los moros & las moras vender non los podremos
Q los descabeçemos nada no ganaremos
Coiamos los de dentro ca el senorio tenemos
Posaremos en sus casas & dellos nos seruiremos
Myo çid co esta ganançia en alcoçer esta
Fizo en biar por la tienda q dexara alla
Mucho pesa alos de teca & alos de teruel no plaze
E alos de calatayuth no plaze
Al Rey de valençia en biaron co mensaie
Q a vno q dizien myo çid Ruy diaz de biuar
|
