|
|
Deguisa ua myo çid como si escapasse de arrancada
Demos salto a el el & feremos grant ganançia
Antes ql pndan los de terernel si no no nos dara det nada
La paria ql a psa tornar nos la ha doblada
Saliero de alcoçer avna piessa much estraña
Myo çid qando los vio fuera cogios como de arracad
Coios salon ayuso co los sos abuelta nadi
Dize los de alcoçer ya se nos va la ganaçia
Los grades & los chicos fuera salto dan
Alsabor del pnder de lo al no no piessan nada
Abiertas dexan las puertas q niguno no las guarda
Elbue campeador la su cara tornaua
Vio q entrellos & el castiello mucho auie grand plaça
Mando tornar la sena a piessa espoloneaua
Firid los cauallos todos sines dubdança
Con la merçed del criador nra es la ganançia
Bueltos son con ellos por medio dela lana
Dios q bueno es el gozo por aqsta manana
Myo çid & albarfanez adelant aguiiaua
Tienen buenos cauallos sabet asu guisa les andan
Entrellos & el castiello enessora entraua
Los vassallos de myo çid sin piedad les dauan
E vn ora & vn poco de logar .c.c.c. moros matan
|
