|
|
Eotras azemillas & camelos largos
Tantos son de muchos q non serien contados
Todas estas ganançias fizo el canpeador
Grado ha dios q del mundo es señor
Antes fue minguadomenguado agora Rico so
Q he auer & trra & oro & onor
E son myos yernos yfantes de carrion
Arranco las lides como plaze al ciador
Moros & xpianos de mi han grant pauor
Ala dentro en marruecos oas mezqitas son
Q abran de mi salto qiçab alguna noch
Ellos lo teemen ca non lo piesso yo
No los yre buscar en valençia sere yo
Ellos me dara parias con aiuda del ciador
Q paguen ami o a qi yo ouier sabor
Grandes son los gozos en valençia co myo çid el canpeador
De todas sus conpanas & de todos sus vassallos
Grandes son los gozos de sus yernos amos ados
Da qsta arrancada q lidiaro de coraço
Valia de çinco mill marcos ganaron amos ados
Muchos tienen por Ricos los yfantes de carrio
Ellos co los otros vinieron ala cort
Aqi esta co myo çid el obpo do ihonimo
El bueno de albarfanez cauallo lidiador
E otos muchos q crio el campeador
Qando entraro los yfantes de carrion
|
