|
|
Mas si el cauallo non estropieça o comigo no caye
Non te iuntaras comigo fata dentro en la mar
Aqi Respuso myo çid esto non sera verdad
Buen cauallo tiene bucar & grandes saltotos faz
Mas bauieca el de mio çid alcançando lo va
Alcançolo el çid abucar a tres bracas del mar
Arriba alço colada vn grant colpe dadol ha
Las carbonclas del yelmo tollidas gela ha
Cortol el yelmo & librado todo lo hal
Fata la çintura el espada legado ha
Mato a bucar al Rey de alen mar
E gano a tizo q mill marcos doro val
Vençio la batalla marauillosa & grant
Aqis ondro myo çid & qantos conel son
Con estas ganançias yas yuan tornado
Sabet todos de firme Robauan el capo
Alas tiendas era legados do estaua
El q en buen ora nasco
Myo çid Ruy diaz el campeador contado
Con dos espadas q el pçiaua algo
Por la matança vinia tan piuado
La cara fronzida & almofar soltado
Cofia sobre los pelos fronzida della ya qanto
Algo vie myo çid delo q era pagado
Alço sos oios esteua adelant catando
|
