|
|
Avn vea el ora q uos meresca dos tato
En vna conpana tornados son amos
Assi lo otorga don po cuemo se alaba ferrando
Plogo a myo çid & atodos sos vassallos
Avn si dios qisiere & . el padre q esta en alto
Amos los myos yernos buenos seraran en capo
Esto van diziendo & las yentes se alegando
En la veste delos moros los atamores sonando
Amaraulla lo auien muchos dessos xpianos
Ca nunqa lo vieran ca nueuos son legados
Mas se marauillan en tre diego & ferrando
Por la su voluntad no serien alli a legados
Oyd lo q fablo el q en bue ora nasco
Ala po vermuez el myo sobrino caro
Curies me adiego & curies me adon fernando
Myos yernos amos ados las cosas q mucho amo
Calos moros co dios non fincaran en canpo
Hyo uos digo çid por toda caridad
Q oy los yfantes ami por amo non abran
Curielos qi qier ca dellos poco min cal
Hyo co los myos ferir qiero delant
Vos co los uros firme mientre ala çaga tengades
Si cueta fuere bie me podredes huuiar
Aqi lego mynaya albarfanez oyd ya çid canpeador leal
Esta batalla el criador la fera
Euos tan dinno q co el auedes part
Mandad nolos ferir de qal part uos semeiar
|
