|
|
Ferran golez no vio alli dos alçasse ni camara abierta ni torre
Metios sol es escano tanto ouo el pauor
Diego golez por la puerta salio
Diziendo dela boca no vere carrion
Tras vna viga lagar metios co grant pauor
El manto & el brial todo suzio lo saco
En esto desperto el q en bue ora naçio
Vio cerçado el escaño de sus buenos varones
Qs esto mesnadas o q qredes uos
Hya senor ondrado Rebata nos dio el Leo
Myo çid finco el cobdo en pie se leuanto
El manto trae alcuello & adelino pora Leo
El Leon qando lo vio assi en vergonço
Ante myo çid la cabeça pmio & el Rostro finco
Myo çid don Rodrigo alcuello lo tomo
E lieua lo adestrando enla Red le metio
Amarauilla lo han qantos q yson
Etornaro seal apalaçio pora la cort
Myo çid por sos yernos demando & nolos fallo
Mager los estan lamando niguno no Responde
Qando los fallaron & ellos viniero assi viniero sin color
Non viestes tal guelgo como yua por la cort
Mandolo vedar myo çid el campeador
Muchos touiero por en baydos los yfantes de carrion
Fiera cosa les pesa desto q les cuntio
Ellos enesto estando don auien grant pesar
|
