|
|
El obpo don ihonimo vistios tan piuado
Ala puerta dela eclegia sediellos spando
Dioles bendictiones la missa a cantado
Al salir dela ecclia caualgaro ta piuado
Ala glera de valençia fuera diero salto
Dios q bie touieron armas el çid & sus vassalos
Tres cauallos cameo el q en bue ora nasco
Myo çid delo q veye mucho era pagado
Los yfantes de carrion bie an caualgado
Tornan se co las duenas a valençia an entrado
Ricas fueron las bodas en el alcaçar ondrado
E al otro dia fizo myo çid fincar . .vij tablados
Antes q entrassen aiantar todos los qbrantaro
Qinze dias conplidos duraro en las bodas
Hya çerca delos .x.v. dias yas van los fijos dalgo
Myo çid do Rodrigo el q en bue ora nasco
Entre palafres & mulas & corredores cauallos
En bestias sines al .C. son mandados
Mantos & pelliçones & otos vestidos largos
Non fueron en cuenta los aueres monedados
Los vassallos de mio çid assi son acordados
Cada vno por si sos dones auien dados
Qi auer qiere pnder bien era abastado
|
