|
|
Reçibio los myo çid con todos sus vasallos
Ael & eassu mug delant sele omillaro
E yua posar en vn pçioso escano
Todos los de myo çid ta bie son acordados
Estan parando mientes alq en bue ora nasco
El campeador en pie es leuantado
Pues q afazer lo auemos por q lo ymos tardado
Venit aca albarfanez el q yo qiero & amo
Affe amas mis fijas metolas en ura mano
Sabedes q al Rey assi gelo he madado
Nolo qiero falir por nada de qanto ay parado
Alos yfantes de carrion dad las con ura mano
E pndan bendiçiones & vayamos Recabdado
Estoze dixo minaya esto fare yo de grado
Leuantan se derechas & metiogelas en mano
Alos yfantes de carrion minaya va fablando
Afeuos delant minaya amos sodes hermanos
Por mano del Rey alfonsso q ami lo ouo madado
Douos estas duenas amas son fijas dalgo
Q las tomassedes por mugieres a ondra & a recab¶do
Amos las Reçiben damor & de grado
Amyo çid & a su mug van besar las manos
Qando ouiero aqsto fecho saliero del palaçio
Pora sca Ma a piessa adelinnando
|
