|
|
Cometer qiero vn Ruego a myo çid el campeador
Asi lo mande xps q sea aso p
Vras fijas uos pido don eluira & dona sol
Q las dedes por mugieres alos yfantes de carrio
Semeiam el casamiento ondrado & co grant pro
Ellos uos las piden & mando uos lo yo
Della & della parte q qantos q aqi son qntos
Los mios & los uros q sean Rogadores
Dandos las myo çid si uos vala el ciador
Non abria fijas de casar Respuso el campeador
Ca non han grant hedand e de dias peqnas son
De grandes nueuas son los yfantes de carrion
Perteneçen pora mis fijas & a vn pora meiores
Hyo las engendre amas & criastes las uos
En tre yo yellas en ura merçed somos nos
Afellas en ura mano don eluira & dona sol
Dad las aqi qisieredes uos ca yo pagado so
Graçias dixo el Rey ca yo pagado so auos & atod esta ¶ cort
Luego se leuantaro los yffantes de carrion
Ban besar las manos alq en ora buena naçio
Camearo las espadas antel Rey don alfonsso
Fablo el Rey don alfonsso como ta bue senor
Grado & graçias cid como ta bueno & pimero al ciador
|
