|
|
Lorando delos oios tato auie el gozo mayor
Asi sabe dar omildança a alfonsso so senor
De aqsta guisa alos pies le cayo
Tan grand pesar ouo el Rey don alfonsso
Leuantados en pie ya çid campeador
Besad las manos ca los pies nõ
Siesto non feches non les auredes my amor
Hynoios fitos sedie el campeador
Merçed uos pido a uos myo natural senor
Assi estando dedes me ura amor q lo oyan qantos aqi so
Dixo el Rey esto fere dalma & de coraçon
Aqi uos pdono & douos my amor
En todo myo Reyno parte des de oy
Fablo myo çid & dixo lo merçedsenor yolo Reçibo do alfonsso myo ¶ senor
Gradescolo a dios del çielo & des pues auos
E a estas mesnadas q estas a derredor
Hynoios fitos las manos le beso
Leuos en pie & en la bocal saludo
Todos los demas. desto auie sabor
Peso a albardiaz & a garciordonez
Fablo myo çid & dixo esta Razon esto gradesco al ciador
Qando he la graçia de do alfonsso myo senor
Valer me a dios de dia & de noch
Fuessedes my huesped siuos plogiesse senor
Dixo el Rey non es aguisado oy
|
