|
|
Essora dixo el çid plame plazme de coraçon
Estas vistas olas ayades uos
Dixo minaya uos sed sabidor
Non era marauilla siqisiesse el Rey alfonsso
Fasta do lo fallassemos buscar lo yremos nos
Por dar le grand ondra como a Rey de tierra †
Mas lo q el qisiere esso qramos nos
Sobre taio q es una agua cabdal
Ayamos vistas qando lo qiere myo senor
Escriuien cartas bie las sello
Con dos cauallos luego las enbio
Lo q el Rey qisiere esso fera el campeador
Al Rey ondrado delant le echaro las cartas
Qando las vio de coraçon se paga
Saludad me amyo çid el q en bue ora çinxo espada
Sean las vistas destas iij. semanas
Syo biuo so ali yre sin falla
Non lo de d tardan a myo çid se tornaua
Della part & della pora la vistas se adobauan
Qi en vio por castiella tanta mula pçiada
E tanto palafre q bien anda
Cauallos gruessos & coredores sjn falla
Tanto buen pendon meter en buenas astas
Escudos boclados con oro & con plata
Mantos & pielles e buenos çendales dadria
|
