|
|
Los de uras fijas venir sea mas por espaçio
Leuantaron se todas & besaron le las manos
† Grant fue el alegria q fue por el palaçio
Como lo dixo el çid assi lo han acabado
Mynaya albarfanez fuera era enel campo
Contodas estas yentes escriuiendo & contado
En tre tiendas & armas & vestidos pçiados
Tanto fallan desto q es cosa sobeianoa
Qiero uos dezir lo q es mas granado
Non pudiero ellos saber la cuenta de todos los cauallos
Q andan arriados & no ha qi tomalos
Los moros delas trras ganado sean y algo
Mager de todo esto el campeador contado
Delos buenos & otorgados cayeron le mill & D. cauallos
Qando a myo çid cayeron tantos los otos bie puede ficar pa¶gados
Tanta tienda pçiada & tanto tendal obrado
Q a ganado myo çid con todos sus vassallos
La tienda del Rey de marruecos q delas otas es cabo
Dos tendales las sufren con oro son labrados
Mando myo çid Ruy diaz q fita souiesse la tienda
E non la tolliesse dent xiano
Tal tienda como esta q de maruecos es passada
En biar la qiero a alfonsso el castellano
Q crouiesse sos nueuas de myo çid q auie algo
Con aqstas Riqzas tantas a valençia son entrados
El obpo do ihonimo caboso caboso coronado
Qando es farto de lidiar co amas las sus manos
|
