|
|
Hyr los hemos fferir enel nombre del ciador & del apostol sci yague
Mas vale q nos los vezcamos q ellos coian el pcanmpo
Essora dixieron todos damor & de voluntad
Fablaua mynaya no lo qiso de tardar
Pues esso qredes çid a mi mandedes al
Dad me .C.xxx cauallos pora huebos de lidiar
Qando uos los fueredes ferir entrare yo del otra part
Ode amas odel vna dios nos valdra
Essora dixo el çid de buena voluntad
Es dia es salido & la noch entrada es
Nos detardan de adobasse essas yentes xianas
Alos mediados gallos antes de la manana
El obpo don ihonimo la missa les cantaua
La missa dicha grant sultura les daua
El q a qi muriere lidiando de cara
Prendol yo los pecados & dios le abra el alma
Auos çid don Rodrigo en bue ora çinxiestes espada
Hyo uos cante la missa por aqsta manana
Pido uos vn don & seam psentado
Las feridas pimeras q las aya yo otorgadas
Dixo el campeador desa qi uos sean mandadas
Salidos son todos armados por las torres de valençia
Mio çid alos sos vassalos ta bie los a cordando
Dexa alas puertas omes de grant Recabdo
Dio salto myo çid en bauieca el so cauallo
De todas guarnizones muy bie es adobado
|
