|
|
O cuemo saliera de castiella albarfanez con estas duenas q trahe
Los q yua mesurando & legando lo uan delant
Luego toman armas & tomanse a de portar
Por çerca de salon tan grades gozos van
Don legan los otros a minaya albarfanez se ua homĩlar
Qando lego auegaluon donta oio ha
Sonrrisando se dela boca hyualo abraçar
Enel ombro lo saluda ca tal es su husaie
Tan bue dia co uusco minaya albarfanez
Traedes estas duenas poro valdremos mas
Mugier del çid lidiador essus ffijas naturales
Ondrar uos hemos todos ca tales la su auze
Mager q mal le qramos non gelo podremos fer
En paz o en gerra delo nro abra
Muchol tengo por torpe qi non conosçe la verdad
Sorrisos dela boca minaya albarfanez
Hy auegaluo a migol sodes sin falla
Si dios me legare al çid elo vea co el alma
Desto q auedes fecho uos non perderedes nada
Vayamos posar ca la çena es adobada
Dixo auengaluo plazme desta psentaia
Antes deste teçer dia uos loa dare doblada
En traron en medina siruialos minaya
Todos fueron alegres del çeruiçio q tomaron
El portero del Rey qitar lo mandaua
|
