|
|
E fizo çinco lides campales & todas las aranco las arrañco
Grandes son las ganançias ql dio el criador
Feuos a qi las senas verdad uos digo yo
Çient cauallos gruessos & corredores
De siellas & de frenos todos guarnidos son
Besa uos las manos & q los pndades uos
Razonas por vro vassallo & auos tiene por senor
Alço la mano diestra el Rey se scigo
De ta fieras ganançias como a fechas el campeador
Si me vala sant esidro plazme de coraçon
E plazem delas nueuas q faze el campeador
Reçibo estos cauallos qm enbia de do
Mager plogo al Rey mucho peso a garçiordonez
Semeia q en trra de moros no a biuo ome
Qando assi faze a su guisa el çid campeador
Dixo el Rey al conde dexad essa Razon
Q entodas guisas miior me sirue q uos
Fablaua minaya .y. aguisa de varon
Merçed uos pide el çid siuos cayesse en sabor
Por su mug dona ximena & sus fijas amas ados
Saldrien del monesterio do elle las dexo
E yrien pora valençia al bue campeador
Essora dixo el Rey plaz me de coraço
Hyo les mandare dar conducho mietra q por mj trra fuere
|
