|
|
Tal cosa uos faria q por el mundo sonas
Eluego leuaria sus fijas al campeador leal
Vos nuqa en carrion entrariedes iamas
Aqim parto de uos como de malos & de taydores
Hyre co ura graçia don eluira & dona sol
Poco pçio las nueuas delos de carrion
Dios lo qiera & lo mande q de todel mundo es senor
Da qste casamiento q grade el capeador
Esto les ha dicho & el moro se torno
Teniendo yuan armas altroçir de salon
Cuemo de bue seso a molina se torno
Ya mouieron del anssarera los yfantes de carrion
Acoien se a andar de dia & de noch
Assiniestro dexan atineza vna pena muy fuert
La sierra de miedes passaron la estoz
Por los montes claros aguijan a espolon
Assiniestro dexan agriza q alamos poblo
Alli son canos do a elpha en çerro
Adiestro dexan a sant esteua mas cae aluen
Entrados son los yfantes al Robredo de corpes
Los montes son altos las Ramas puian co las nues
Elas bestias fieras q andan aderredor
Falaron vn vergel con vna linpia fuent
Mandan fincar la tienda yfantes de carrion
Con qantos q ellos taen y iazen essa noch
Con sus mugieres en braços demuestran les amor
Mal gelo cunpliero qando salie el sol
Mandaron cargar las azemilas co grades aueres
|
