|
|
Minaya albarfanez ante myo çid se paro
Tornemos nos çid a valençia la mayor
Q si adios ploguiere & al padre ciador
Hyr las hemos ver a trras de carrion
Adios uos hacomendamos don eluira & dona sol
Aales cosas fed q en plazer caya anos
Respondien los yernos assi lo mande dios
Grandes fueron los duelos ala de partiçion
El padre co las fijas loran de coraçon
Assi fazian los cauallos del campeador
Oyas sobrino tu felez munoz
Por molina yredes vna noch y iazredes
Saludad a myo amigo el moro avegaluon
Reçiba a myos yernos como el pudier meior
Dil q en bio mis fijas a trras de carrion
Delo q ouiere huebos sirua las aso sabor
Desi escurra las fasta medina por la mi amor
De qanto el fiziere yol dar por ello bue galardon
Cuemo la vna dela carne ellos partidos son
Hyas torno pora valençia el q en bue ora nasçio
Pienssan se de yr los yfantes de carrion
Por scaMadalua Razin fazian la posada
Aguijan qanto pueden yfantes de carrion
Felos en molina co el moro avengaluon
El moro qando lo sopo plogol de coraçon
Saliolos Recebir co grandes auorozes
Dios q bie los siruio atodo so sabor
|
